Úsh kún ishinde Aqtóbe oblysynda jańa erejelerge sáıkes Armenııadan ákelingen 38 avtokólik tirkelgen, – dep habarlaıdy Polisia.kz.
Aqtóbe mamandandyrylǵan HQKO-da Armenııadan ákelingen avtokólikterdi tirkeý jalǵasyp jatyr. 1 maýsymnan bastap munda 60 astam armıan avtokóligi tirkelgen. Arnaıy HQKO-da avtokólik quraldaryn tirkeýden basqa polısııa qyzmetkerleri túsindirý jumystaryn júrgizip jatyr. Osylaısha, úsh jumys ishinde 200-den astam aqtóbelik tirkeý erejeleri boıynsha keńes aldy.
1 maýsymnan bastap 1 shildege deıin Úkimet qaýlysyna sáıkes elde QR azamattaryna tirkelgen jáne Armenııadan elge ákelingen jáne 2020 jyldyń 1 aqpanyna deıin Qazaqstan Respýblıkasyna ákelingen, memlekettik tirkeý úshin alym jáne memlekettik baj tóleý arqyly QR Salyq kodeksiniń 615, 553-baptarynda belgilengen tártippen kólik quraldaryn tirkeý júrip jatyr.
Algorıtmge sáıkes, avtokólikti tirkeý kezinde jeke kýálik, QR Salyq kodeksiniń 615-babyna sáıkes AEK-tiń 0,25 paıyzy mólsherinde memlekettik tirkeý úshin alym jáne memlekettik baj salyǵy, sondaı-aq Armenııada berilgen kólik tirkeý anyqtamalyǵy jáne memlekettik tirkeý nómirin tóleý týraly qujat qajet. Eger avtokólik oń rýldi bolsa, onda sertıfıkattalǵan ortalyqtan qaýipsizdik sertıfıkaty qajet.
Kólik quraldaryn tirkeý úshin usynylatyn, memlekettik jáne orys tilderinen basqa ózge tilde jasalǵan qujattar memlekettik nemese orys tilderine aýystyrylady jáne aýdarmanyń durystyǵy týraly notarıýstyń ne osyndaı is-áreketter jasaýǵa quqyǵy bar basqa adamnyń qoly bolýǵa tıis.
QR-da 2020 jyldyń 1 aqpanynan keıin ákelingen avtomashınalardy, sondaı-aq Armenııanyń ýákiletti organy tirkeý qujattarynda ıesi retinde kórsetilmegen adamdardy tirkeýge jol berilmeıdi.