QR Eńbek jáne halyqty áleýmettik qorǵaý mınıstriniń shtattan tys keńesshisi Aıjanı Nurlanova stasıonarlyq tıptegi medısınalyq-áleýmettik mekemelerde qyzmet alýshylardyń quqyqtary men zańdy múddeleriniń saqtalýyn qamtamasyz etý maqsatynda, Shymkent qalasy ákimdiginiń № 6 balalar arnaýly áleýmettik qyzmetter kórsetý ortalyǵynda bolyp, ýaqytsha turýshylardyń ómir súrý jaǵdaılarymen tanysyp jáne olardy ońaltý boıynsha usynystar berdi. Bul týraly mınıstrliktiń baspasóz qyzmeti habarlady.
Bul mekeme 1,5 jastan 18 jasqa deıingi psıhonevrologııalyq aýytqýlary bar múgedek balalarǵa stasıonar jáne jartylaı stasıonar jaǵdaıynda arnaýly áleýmettik qyzmet kórsetedi.
Ortalyq 300 tósek-orynǵa eseptelgen. Qazirgi ýaqytta stasıonarda 150 bala, jartylaı stasıonar jaǵdaıynda – 103 bala ońaltýdan ótýde
Ortalyq mynadaı qyzmet túrlerin júzege asyrady:
- balalarǵa áleýmettik-turmystyq qyzmet kórsetý, jasyna jáne densaýlyq jaǵdaıyna barynsha sáıkes keletin úı jaǵdaıyna jaqyn ómir súrý jaǵdaılaryn jasaý;
- balalarǵa kútim jasaýdy qamtamasyz etý, olarǵa áleýmettik- medısınalyq qyzmet kórsetý;
- áleýmettik-eńbek qyzmetterin kórsetý;
- áleýmettik-mádenı qyzmet kórsetý;
- áleýmettik-psıhologııalyq qyzmet kórsetý;
- áleýmettik-pedagogıkalyq qyzmet kórsetý;
- áleýmettik-ekonomıkalyq qyzmet kórsetý;
- áleýmettik-quqyqtyq qyzmet kórsetý.
Aıjanı Nurlanova mekemedegi jaǵdaımen, turmystyq jaǵdaılarmen jáne ýaqytsha turýshylardyń ońaltý baǵdarlamalarymen tanysty.
Mekeme basshylyǵymen áńgime barysynda júrgizilgen jóndeý jumystarynyń barysyn baqylaý jáne balalardy qosymsha zamanaýı ońaltý quraldarymen qamtamasyz etý qajettigin atap ótti.
Sondaı-aq Aıjanı Nurlanova qyzmetkerler arasynda psıhologııalyq oqý kýrstaryn ótkizý, olardy jylyna eki ret sanatorııalyq-kýrorttyq emdelýge jiberý jáne psıhologııalyq sharshaýǵa jol bermeý úshin motıvasııalyq is-sharalardy ótkizý boıynsha usynystar berdi.