Munaıly shahardan Shymkent qalasyna qatynaıtyn áýe reısin ashý josparlanyp otyr. О́ńirlik kommýnıkasııalar qyzmetiniń málimetine súıensek, alǵashqy kezekte arnaıy reıs «Atyraý-Shymkent» jáne «Shymkent-Atyraý» baǵytynda qatynaıdy.
– Eki qala arasyndaǵy áýe tasymalyn qazaqstandyq FlyArystan áýe kompanııasy júzege asyrady dep kútilýde. О́ıtkeni, Atyraý oblysy ákimdiginiń bastamasymen «Atyraý» áleýmettik-kásipkerlik korporasııasy» AQ men FlyArystan avıakompanııasy arasynda kelissóz bastaldy. Maqsat –jolaýshylardy qoljetimdi avıabıletpen qamtamasyz etý, - dep habarlady óńirlik kommýnıkasııalar qyzmeti.
Qazir taraptar kelisimdi talqylap jatyr. Jaqyn arada Atyraý qalasynan turaqty jolaýshylar reısin bastaý jóninde kelisimshartqa qol qoıylmaq.
Atyraý