Kókshetaýdyń saýda oryndarynda ekopaketter tegin úlestirilýde. Tabıǵı taza qaptama polıetılen ónimderine balama bolmaq. Sondaı-aq, qaǵaz qapshyq azyq-túlik taýarlaryn uzaq merzimde saqtaýǵa da qolaıly deıdi óndirýshiler.
Ekopaket – tabıǵat pen qorshaǵan ortaǵa qamqor turǵyndar tańdaýy. Álemde qaǵaz qaptama jer júzin lastaǵan polıetılenge balama bolyp otyr. Kókshetaýlyq bastamashyl jastar «Ekopaket» óndirisin qolǵa alǵan. О́ndirisi kúrdeli, shıkizaty qymbat bolsa da, jas býyn óńir turǵyndary tabıǵatty saqtaýǵa nazar aýdarady degen senimde.
– Bul ekologııalyq paketter tegin taratylady. Kókshetaý qalasynda úsh sýpermarkette bar. Turǵyndar bul paketterdi jaqsy qabyldaýda. Oń pikirler bildirip jatady, – deıdi «Ekopaket» jobasynyń menedjeri Rysbek О́mirǵalıev.
Jas kásipkerler óndiristik jelini ózge de qaptama túrlerin óndirýge beıimdeýdi josparlap otyr. Sement, aǵash kómiri tárizdi qurǵaq ónimder de qaǵazben qaptalady. Qazir ónim quny qaptama syrtyndaǵy jarnama arqyly aqtalýda. Qoldanylatyn jelim men boıaý adam aǵzasyna zııansyz.
– Sondaı-aq, paketke qandaı da bir aqparatty basý úshin, tabıǵı taza boıaýlar qoldanylady. Bul azyq-túlik taýarlary úshin arnaıy oılastyrylǵan sheshim. Sondaı-aq, qaǵaz qaptamadaǵy zattar uzaq saqtalady, – deıdi «Ekopaket» jobasynyń menedjeri Anel Qarymsaqova.
Bastysy, turǵyndar sanaly tańdaý jasaýǵa daǵdylansa eken deıdi tabıǵat janashyrlary.
Kókshetaý qalasy