Brent markaly munaıdyń 2020 jyldyń tamyz aıyna jetkizilimi jónindegi kelisim boıynsha baǵasy London bırjasynda 17 paıyz kóterilip, aldyńǵy sessııanyń jabylý qarsańynda barreline 43 dollarǵa jetti, dep habarlady Reseıdiń Vestı telearnasy.
Sońǵy ret mundaı baǵa ústimizdegi jyldyń 6 naýryz kúni tirkelgen bolatyn. Al WTI sortty munaıy barreline 40,22 dollardan saýdalandy. Bul da munyń aldyndaǵy saýda kórsetkishinen 1,7 paıyz joǵary.
OPEK+ mınıstrleri 6 maýsym kúni vıdeokonferensııa formatynda ótken kezdesýde munaı óndirý kólemin tómendetý jónindegi kelisimdi taǵy bir aı sozý jóninde sheshim qabyldaǵan bolatyn.
Sarapshylardyń pikirinshe, osy jaǵdaı rynokke birden áser etip otyr. Munyń aldynda OPEK+ mamyr-maýsym aılarynda munaı óndirý kólemin táýligine 9,7 mln barrelge azaıtý jóninde kelisimge kelgen bolatyn. Endi jańa sheshim boıynsha osy kelisim sharttary shilde aıynda da saqtalmaq.