Bıyl álemdegi týrızmniń jaǵdaıy máz bolmaıtyny anyq. Osylaısha, pandemııa qaýipi nápaqasyn demalys oryndary men qyzmet kórsetýden túsken qosymsha tabystan taýyp otyrǵan memleketterdiń ekonomıkasyna joıqyn soqqy jasady.
Ásirese, jazǵy maýsymda jurt jappaı aǵylatyn teńiz jaǵalaýlary endi burynǵydaı demalýshylar jınaı almaıtyny belgili. Koranavırýs qateri baıaýlaǵanmen de kóptegen el budan bylaı týrızmniń ishki múmkindigine ǵana úmit artatyn aıqyndalyp keledi. Al bul jaǵdaı Qazaqstandaǵy ishki týrızmdi damytýdyń jańa múmkindikterine jol ashýy tıis. О́ıtkeni, juqpaly indettiń aldyn alý sharalaryn qatań saqtaı otyryp, otandyq demalys oryndarynyń jumysyn jandandyrýǵa basa kóńil bólinip otyr. Qazir osy baǵyttaǵy jumys Alakól jaǵalaýynda qyzý qolǵa alynǵan. Jalpy, 13 maýsymnan bastap Almaty oblysy aýmaǵyndaǵy jaǵajaı týrızmi bıylǵy jumysyn bastaıdy. Birinshi kezekte Alakól jaǵalaýyndaǵy demalys oryndary ashylmaq.
- Alakóldegi demalys oryndaryn 13 maýsymnan bastap ashýǵa ruhsat beremiz. Jáne bıyl kóldiń qos jaǵalaýyndaǵy shomylý maýsymyn bir mezette ashý úshin Shyǵys Qazaqstan oblysynyń ákimdigimen kelistik. Jaǵajaıda juqpaly indettiń aldyn alý sharalary qatań saqtalatyn bolady. Jalpy, demalys oryndardaryndaǵy sanıtarlyq-epıdemıologııalyq talaptar burynnan qatań qadaǵalanyp keledi. Al pandemııa jaǵdaıynda baqylaý tipten kúsheıgeni durys. Adamdar demalys kezindegi saqtyq sharasyn saqtaýdy úırenýi kerek. Biz óz tarapymyzdan barlyq qajetti sharany jasaımyz, - deıdi Almaty oblysynyń ákimi Amandyq Batalov.
Iаǵnı, 13 maýsymnan bastap Alakól aýdany aýmaǵyndaǵy týrıstik maýsym jalaýyn kótermek. Jalpy, oblystyń týrızm basqarmasynyń mamandary bıyl Alakól jaǵalaýynda demalýshylar qatary jyldaǵydan eselep kóbeıedi degen boljam jasap otyr eken. Onyń bir sebebin shetel kýrorttary men jaǵajaılaryndaǵy shekteýlerdiń kúsheıip, áýe qatynasynyń kúrdelenýinen izdegen durys. Demek, demalys maýsymyn sýy shıpaly Alakól jaǵalaýynda ótkizýshiler leginiń ósetini anyq. Ári bul otandyq ekonomıka úshin úlken olja bolary sózsiz.
Al Alakól jaǵalaýyndaǵy demalys oryndarynyń ahýaly qandaı? Derek boıynsha mundaǵy 144 demalys nysany kelýshilerdi qabyldaýǵa tolyqtaı daıyn eken. Bul oryndar bir mezette 4500 adamǵa qyzmet kórsete alady. Munan bólek, Alakól jaǵalaýynda buǵan deıin 250 ornalasý nysany jumys istep turǵan bolsa, bıyl taǵy 14 jańa nysan ashylady eken. Sondaı-aq, jaǵajaıda qaltaly qonaqtarǵa arnalǵan joǵary deńgeı̆li qonaq úı̆ler de jetkilikti. Sáıkesinshe, bıyl Alakól jaǵalaýyndaǵy bir kúndik demalys quny 5 000 teńgeden 150 000 teńgegeniń arasynda bolmaq.
Aıtpaqshy, Alakól jaǵalaýyna kelýshiler úshin «Nur-Sultan-Úsharal-Nur-Sultan» jáne «Almaty-Úsharal-Almaty» baǵyttary boıynsha áýe reısteri jumys istep tur. 1 maýsymynan bastap ashylǵan ushaq sapary kún saıyn qatynaıdy. Al 8 maýsymnan 24 qazanǵa deıin «Almaty-Úsharal-Almaty» baǵyty boıynsha qosymsha reıs iske qosylady eken. Sondaı-aq, «Jetisý» avıakompanııasy «Taldyqorǵan-Úsharal-Taldyqorǵan» baǵyty boıynsha aptasyna 7 ret adam tasymaldap otyr.
Munan bólek, Alakólge qaraı temirjol qatynasy da júrýdi bastady. Qazir «Jetigen-Dostyq-Jetigen» baǵyty boıynsha poıyz qatynaıdy. Bılet baǵasyn áleýmettiń qaltasy kóteredi. Shǵynnyń bir bóligin oblys bıýdjeti sýbsıdııalaıdy eken. Osy maqsatqa 85 mln teńge qarjy qarastyrylypty. Iаǵnı, «Jetigen-Dostyq-Jetigen» baǵyty boıynsha poıyz qatynasy maýsym aıynan bastap, tamyz aıyna deıin aptasyna 3 ret júredi. Arnaıy 7 vagon bar. Bılet baǵasy plaskart orny úshin - 2686 teńge, kýpe - 4500 teńge. Poıyzdaǵy oryn sany 324 jolaýshyǵa arnalǵan eken.
- Biz bıylǵy demalys maýsymynda Alakól jaǵalaýyna kelýshiler qatary 2 mln adamnan asady degen boljam jasap otyrmyz. Týrısterge qolaıly jaǵdaı jasaý úshin oblys tarapynan barlyq jaǵdaı jasalýda. Jol, demalys nysandarynyń qurylysy júrip jatyr. Demalystyń jaıly bolýy úshin, qaýipsizdik saqtalýy úshin qajetti sharalar jasalady. Ásirese, demalýshylardy qarsy alatyn Aqshı aýylyndaǵy týrıstik nysandardy damytýǵa kóńil bólinýde. Munda qazir úlken demalys saıabaǵynyń qurylysy júrip jatyr. Nysandy 6 shildege deıin aıaqtap, paıdalýǵa bermek. Saıabaq aýmaǵynda avtokólik turaǵy, oıyn alańdary, jazǵy kafe, 336 adamǵa arnalǵan amfıteatr, ashyq sahna, fýtbol alańy, voleıbol alańy, velo joldar, rolıkpen syrǵanaýǵa arnalǵan alań jáne basqa da sportpen aınlysýǵa qolaıly oryndar bar. Talapqa saı eki dárethana qurylysy da aıaqtalmaq, - deıdi oblystyq týrızm basqarmasynyń týrıstik jobalardy josparlaý jáne júzege asyrý bóliminiń basshysy Baqytjan Orazbaev.
Almaty oblysy