Aǵymdaǵy jyldyń 5 aıdyń qorytyndysy boıynsha memlekettik bıýdjettiń atqarylý kórsetkishteri týraly Qarjy mınıstri Erulan Jamaýbaev Úkimet otyrysynda baıandady, - dep habarlaıdy Egemen.kz
"Memlekettik bıýdjetke 3 trln 420 mlrd teńge somasynda kiris tústi. Jospar 102,9% atqaryldy. Respýblıkalyq bıýdjetke 2 trln 111 mlrd teńge kirister tústi, jospar 99,4% oryndaldy. Jalpy kirister boıynsha jospar 125 mlrd teńgege oryndalmady. Jospardyń oryndalmaý sebebi korporatıvtik tabys jáne qosylǵan qun salyqtarynyń az túsýi esebinen boldy. Oǵan syrtqy faktorlar aıasynda tótenshe jaǵdaı aıasynda bıznesti qoldaýǵa baǵyttalǵan sharalar áser etip otyr", - dedi E. Jamaýbaev.
Mınıstrdiń aıtýynsha, salyq túsimderiniń azaıýy sáýir aıynan bastalyp, aǵymdaǵy jyldyń mamyr aıynda jalǵasty.
"Elektrondyq schet-faktýralar aqparattyq júıesi derekteri boıynsha kásipkerlik belsendiliktiń eń kóp tómendeýi kóterme jáne bólshek saýdaǵa tıesili boldy. 2019 jylǵy mamyrmen salystyrǵanda taýarlardy ótkizý boıynsha aınalymdar 54 paıyzǵa nemese 1,2 trln teńgege tómendegen. Negizgi eksporttyq pozısııalar boıynsha baǵalar 2019 jyldyń 5 aıymen salystyrǵanda orta eseppen 16,4%, al jyl basynan beri 13,2% tómendedi. Bul taý-ken óndirý salasynan túsetin salyqtardyń kúrt azaıýyna ákelip soqty", - dedi Qarjy mınıstri.