Jaman tumaý jer betin jaılaǵaly Býrabaı aýdanynyń jumyspen qamtý ortalyǵynyń jumysy qyza túsken, - dep habarlaıdy Egemen.kz.
Jumysqa ornalasý týraly ótinishter kóptep túsýde. Qazirde suranysqa ıe mamandyqtar boıynsha onlaın rejımde oqýǵa da bolady. Máselen, 1 maýsymnan bastap kondıter, gazelektrodánekerleýshi, shashtaraz, aspazshy, avtoelektrık sııaqty mamandyqtar boıynsha qashyqtan oqý bastaldy. Jyl basynan "Eńbek" memlekettik baǵdarlamasyna qatysýǵa nıet bildirgen 785 adamnyń 733-i jumysqa ornalasqan.
– "Jumyspen qamtýdyń jol kartasy" baǵdarlamasy aıasynda Shýchınsk qalasyndaǵy №5,6 mektepterine kúrdeli jóndeý jumystary júrgizilýde. Sonymen qatar "Býrabaı-Qatarkól" tas jolyn kúrdeli jóndeýden ótkizýge 600 mıllıon teńge bólindi. Joba boıynsha jumystar qazirde qyzý júrýde, – deıdi Býrabaı aýdanynyń ákimi Áset Muzdybaev.
Jalpy Býrabaı aýdanynda bıyl ınfraqurylymdyq 48 jobany júzege asyrý josparlanýda. Nátıjesinde 1927 jańa jumys orny ashylyp, 865 adam ortalyq arqyly jumysqa ornalastyrylady.
Aqmola oblysy