Bıyl Túrkistanda "Nurly jer" memlekettik turǵyn úı baǵdarlamasynyń aıasynda memlekettik bıýdjet esebinen 158 nysannyń qurylysyna 36,6 mlrd teńge bólingen.
Onyń ishinde 40 arendalyq, 88 kredıttik turǵyn úı, 30 ınjenerlik ınfraqurylym nysandarynyń qurylysy júrgizilýde. Jalpy oblystaǵy memlekettik "Nurly jer" baǵdarlamasynyń sapaly oryndalýy qatań baqylaýǵa alynǵan.
Memlekettik bıýdjet esebinen satyp alý quqyǵynsyz arendalyq 40 kóp qabatty turǵyn úılerdiń qurylysy da qarqyndy júrýde. Jyl sońyna deıin 978 páterli 18 turǵyn úıdi paıdalanýǵa berý josparlanýda. Sondaı-aq, áleýmettik kredıttik turǵyn úıdi damytý baǵytynda, 7 qabatty 48, 72 jáne 84 páterli 24 turǵyn úı salynýda. Jyl sońyna deıin 1 452 páter tapsyrylady. Iаǵnı bıyl Túrkistanda 70 nysan paıdalanýǵa berilip, nátıjesinde 2 430 otbasy baspanamen qamtamasyz etiledi. Al 3 604 jeke jer ýchaskelerine ınfraqurylym júıeleri júrgiziletin bolady.
Qurylys barysyn baqylaǵan oblys ákimi О́mirzaq Shókeev merdigerlermen kezdesip, kópqabatty turǵyn úılerdiń syrtqy qasbetin árleýdi júktedi. Qolǵa alǵan jumysty jaýapkershilikpen atqarýdy mindettedi.
Túrkistan oblysy