Sıfrlyq damý, ınnovasııalar jáne aeroǵarysh ónerkásibi mınıstri Asqar Jumaǵalıevtyń tóraǵalyǵymen beınekonferensııa formatynda ótken jınynda "Sıfrlyq Qazaqstan" memlekettik baǵdarlamasy aıasynda "Aqyldy qala" komponentteri jobalarynyń júzege asyrý barysy tyńdaldy, - dep habarlaıdy Egemen.kz.
Jıynǵa Atyraý oblysynyń ákimi M.J. Dosmuhambetov, Densaýlyq saqtaý, Eńbek jáne halyqty áleýmettik qorǵaý, Indýstrııa jáne ınfraqurylymdyq damý vıse-mınıstrleri, Ishki ister, Aýyl sharýashylyǵy mınıstrlikteriniń ókilderi jáne "Zerde" holdınginiń, "Azamattarǵa arnalǵan úkimet" korporasııasynyń, oblystyq ákimdiktiń qurylymdyq basshylary qatysty.
Atyraý oblysy ákiminiń orynbasary Erjan Abylhanov bilim berý, densaýlyq saqtaý, TKSh, kólik jáne áleýmettik salalardy sıfrlandyrý nátıjelerin baıandady. Sondaı-aq jıyn qatysýshylaryna Atyraý qalasynda iske asyrylǵan birqatar jobalar men ekonomıkanyń damý qarqynyn jedeldetýge jáne halyqtyń ómir súrý sapasyn jaqsartýǵa baǵyttalǵan bastamalardy usyndy.
Mysaly, bilim berý salasy boıynsha 196 jalpy bilim beretin mektep 13 myń kompıýterlik tehnıkamen jabdyqtalǵan, al ınternetke qoljetimdilik 97,9% - dy quraıdy.
Jolaýshylar tasymaly men elektrondy bıletterdi baqylaý júıesine 150 mıllıonnan astam teńge jumsalǵan. Eńgizilgen júıe kóleńkeli aınalymnan qolma-qol aqshanyń 80% alýǵa múmkindik berdi.
Densaýlyq saqtaý salasyn sıfrlandyrý jobarlary: aýrýhana júıelerin ıntegrasııalaý, dári-dármekterdiń baǵalaryn tekserýge arnalǵan mobıldi qosymsha, densaýlyq saqtaý pasporttary, sıfrlandyrý quraldary jáne t.b. atalyp ótildi.
О́z kezeginde "Zerde" Holdıngisiniń basshysy A.Anısımov E-standartty qurýdy usynyp, "Aqyldy qala" etalon standartyn engizý boıynsha Holdıngtiń júrgizgen ishki reıtingisinde Atyraý qalasy 5 orynda ekenin atap ótip, azamattardyń ómiri úshin qaýipsizdik pen qolaıly jaǵdaı jasaý, qalalyq ınfraqurylym men kólikti basqarýdyń tıimdi júıesin qalyptastyrýǵa basty nazar aýdarýdy surady.
Bunymen qosa, "Aqyldy qala" etalonynyń basqa da baǵyttar boıynsha usynystar berildi. Olardyń biri qalany basqarý komponenti.
"Qalany basqarýǵa keletin bolsaq, munda biz biryńǵaı baılanys ortalyǵyn, sıfrlyq servısterdi qoldana otyryp, ótinishterdi turaqty taldaýdy qamtamasyz etýge basa nazar aýdaramyz", - dedi "Zerde" holdınginiń basshysy.
Ákimdik aǵymdaǵy jyldyń qyrkúıeginde "Korkem Telekom" JShS memlekettik jeke áriptestik negizinde Atyraý qalasynda beıne baqylaý jobasyn iske qosýdy josparlaýda. Atalaǵn joba foto-beınetúsirilim jáne beıneanalıtıkanyń eksplýtasııalyq júıesiniń kómegimen joldardaǵy apattylyq 20% - ǵa tómendeıdi dep boljanýda.
Jıyn qorytyndysy boıynsha A.Jumaǵalıev qatysýshylarǵa alǵysyn bildirip, "Smart City" jobasyn júzege asyrý boıynsha birlesken jumys júrgizýdi usyndy.