Premer-Mınıstr Asqar Mamınniń tóraǵalyǵymen ótken Ekonomıkany jańǵyrtý jónindegi memlekettik komıssııanyń otyrysynda "Samuryq-Qazyna" UÁQ" AQ aktıvterin jekeshelendirý máseleleri qaraldy. Bul týraly mınıstrliktiń baspasóz qyzmetine silteme jasaı otyryp, - Egemen.kz habarlaıdy.
Jekeshelendirýdiń 2016-2020 jyldarǵa arnalǵan keshendi josparyna "Samuryq-Qazyna" UÁQ" AQ-nyń 167 aktıvi engizilgen, olardyń ishinde qazirgi ýaqytta 138 aktıv boıynsha tarmaqtar oryndaldy. 21 kompanııada ótkizý jáne taratý/qaıta uıymdastyrý jumystary júrgizilip jatyr.
Halyqaralyq kapıtal naryqtaryndaǵy joǵary qubylmalylyqqa, energııa tasyǵyshtarǵa baǵalardyń tómendeýine jáne álemdik ekonomıkanyń ósý qarqynynyń báseńdeýine baılanysty "QazMunaıGaz", "Air Astana", "Taý-Ken Samuryq", "Qazaq Air", "Samuryq-Energo", "Qazaqstan temir joly" jáne t. b. birqatar strategııalyq aktıvterdi básekeli ortaǵa berý merzimin 2021-2023 jyldarǵa aýystyrý týraly sheshim qabyldandy.