Búgin, 5 qazan kúni elimizdiń 5 qalasynda premer-lıga komandalarynyń 29-týry oıyndary bolyp ótti. Bul kúni tek keshe Eýropa lıgasynyń 2-týry matchyn ótkergen Qaraǵandynyń «Shahteri» men Shymkenttiń «Ordabasy» komandasy arasyndaǵy oıyn ǵana oınalǵan joq.
Týrdaǵy eń mańyzdy matchtardyń biri Aqtóbede kerýen kerdi. Onda qala attas jergilikti komanda Pavlodardyń «Ertisin» qabyldap, 3:1 esebimen jeńiske jetti. Kezdesýdegi alǵashqy dopty, biraq, qonaqtar soqty. Ony 17-mınýtta Qazaqstan quramasynyń múshesi Dmıtrıı Shomko túsirdi. Alań ıeleri úziliske deıin esepti teńestire bildi. Olar muny 45-mınýtta Sergeı Davydovtyń kúsh salýymen jasady. Al ekinshi taım bastala bergen shaqta (47-mınýt) Armenııa quramasynyń shabýylshysy Robert Arzýmanıan aqtóbelikterdi alǵa shyǵardy. Birazdan keıin Marat Haırýllın alań ıeleriniń basymdyǵyn eki dopqa deıin jetkizdi.
Bul jeńis «Aqtóbeniń» resmı túrde chempıon atanatyn shaǵyn jaqyndata tústi. Sebebi, osy kúngi taǵy bir asa mańyzdy sanalǵan kezdesýde birinshi orynnan úmiti bar Astananyń «Astanasy» óz alańynda Almatynyń «Qaıratynan» 1:2 esebimen utylyp qaldy. Onda da jeńilgen jaq birinshi bolyp esep ashty. Ony 45-mınýtta astanalyq Patrık Tvýması túsirdi. Ekinshi taımda qonaqtar Vıtalıı Lıdiń 77 jáne 80-mınýttarda salǵan eki golynyń arqasynda alǵa shyqty. Osydan keıin «Aqtóbe» men «Astana» arasyndaǵy aıyrmashylyq 6 upaıǵa deıin jetti.
Bul týrda tap osyndaı 2:1 degen esep taǵy eki oıynda tirkeldi. Solardyń birinde Qostanaıdyń «Tobyly» О́skemenniń «Vostogyn» jeńdi. Munda da jeńilgen komanda birinshi bolyp gol soqty. Meımandar sapyndaǵy Trınıdad pen Tobago quramasynyń oıynshysy Radanrah Abý Bakrdiń aıaǵynan ushqan dop 34-mınýtta alań ıeleriniń qaqpasynda týlap jatty. Qostanaılyqtar da goldyń esesin qaıtarý men alǵa shyǵýdyń arasyn kóp sozbady. Olar alǵashqy goldaryn 71-mınýtta (Aleksandr Shkot) túsirse, ekinshi ret qaqpany alýdy 75-mınýtta (Aleksandr Alýmon) júzege asyrdy.
Kelesi 2:1 degen esepti jankúıerler Oralda kórdi. Jergilikti «Aqjaıyq» tap osyndaı nátıjemen «Tarazdy» súrindirdi. Al Taldyqorǵanda jergilikti «Jetisý» men Atyraýdyń «Atyraý» komandalary arasyndaǵy oıynda esep ashylǵan joq.
Osy týrdan keıin birinshi oryndaǵy «Aqtóbeniń» upaıy 39-ǵa jetti.
Damır Qojamqul.
Cýrette: «Aqtóbe» komandasynyń oıynshylary bir-birin jeńispen quttyqtap jatyr.