Búgin, 5 qazan kúni Sochı-2014 qysqy Olımpııalyq oıyndarynyń alaýy resmı túrde Reseı delegasııasy ókilderine tabys etildi. Bul týraly RIA «Novostı» habarlady.
«2014 jylǵy XXII qysqy Olımpııalyq oıyndardyń alaýy Afınada ótken saltanatty rásimde «Sochı 2014» uıymdastyrý komıteti delegasııasyna resmı túrde tapsyryldy», - delingen habarlamada.
Otty tapsyrý rásimi senbi kúni Grekııa astanasyndaǵy «Panatınaıkos» stadıonynda ótti. Saltanatqa Reseıdiń atynan úkimet tóraǵasynyń orynbasary Dmıtrıı Kozak, «Sochı 2014» uıymdastyrý komıtetiniń prezıdenti Dmıtrıı Chernyshenko, sondaı-aq Sochıdegi Olımpııalyq oıyndardyń elshisi, konkı sportynan Olımpıadanyń alty dúrkin chempıony Lıdııa Skoblıkova qatysty.
Ejelgi Olımpııa taýynyń etegindegi qırandylar túbinde 29 qyrkúıek kúni tutanǵan Sochı-2014 alaýy osy kezge deıin Grekııa jeri aýmaǵymen alty kún boıy sherý jasady. Ol endi 6 qazan kúni Máskeýge jetkiziledi.
Budan buryn Reseıde olımpııalyq alaý estafetasyn Vladımır Pýtın ashatyny belgili bolǵan.
Rýslan Igilik.