Test byltyrǵydaı kúnara emes, kún saıyn ótkiziledi. Bul týraly elorda ákimdiginiń baspasóz qyzmetine silteme jasaı otyryp Egemen.kz habarlaıdy.
Nur-Sultandaǵy ulttyq biryńǵaı testileý (UBT) 20 maýsym men 5 shilde aralyǵynda úsh ýnıversıtette ótedi: L.Gýmılev atyndaǵy Eýrazııa ulttyq ýnıversıteti (2 589 oqýshy, 13 aýdıtorııa), S.Seıfýllın atyndaǵy Qazaq agrotehnıkalyq ýnıversıteti (1818 oqýshy, 7 aýdıtorııa) jáne Qazaq ekonomıka, qarjy jáne halyqaralyq saýda ýnıversıteti (1884 oqýshy, 13 aýdıtorııa).
"Búginde UBT qatysýshylarynyń málimetter bazasy bar, sáıkestendirý kodtaryn berý rásimi ótti. UBT ótkizý oryndary barlyq qajetti qural-jabdyqtarmen qamtamasyz etildi", – dep habarlady Nur-Sultan qalalyq bilim basqarmasy.
Bıyl lek sany eki ese artyp, barlyǵy 14-ke jetti. Osylaısha byltyrǵy oqý jylyndaǵydaı kúnara emes, ár kún saıyn ótkiziledi.