El damýynyń berik negizi

Is-sharaǵa QHA Tóraǵasynyń oryn­basary J.Túımebaev, Máji­lis Tóraǵasynyń orynbasa­ry V.Bojko, Aqparat jáne qoǵam­dyq damý vıse-mınıstri M.Ázilhanov, Qoldanbaly etnosaıa­sı zertteýler ınstıtýtynyń dırek­to­ry T.Qalıev, Prezıdent ja­nyn­daǵy QSZI dırektory Z.Sháý­ke­nova, QHA Ǵylymı-sarap­shy­­lyq keńesiniń tóraıymy A.Sádýaqasova, qazaqstandyq sarap­shylar men ǵalymdar, QHA Ǵyly­mı-sarapshylyq keńesiniń jáne QHA músheleri, memlekettik organdar men etnomádenı bir­les­tik­terdiń ókilderi qatysty.

Otyrys barysynda qaty­sý­shylar: «Qoǵamdyq kelisim jáne jalpyulttyq birliktiń qazaq­standyq modeli: Qazaqstan halqy Assambleıasyna 25 jyl», «Etno­s­aralaq saladaǵy memlekettik saıa­sat modernızasııasynyń ba­sym­­dyqtary aıasyndaǵy QHA Ǵyly­mı-sarapshylyq keńesiniń min­detteri», «Qoldanbaly etnosaıası zertteýler ınstıtýtynyń pers­pektıvti mindetteri» jáne t.b. taqy­ryptardy talqyǵa saldy.

«Mereıtoılyq datany atap óte otyryp, biz qazaqstandyq úlginiń jetistiginiń negizgi faktory Elbasy Nursultan Nazarbaevtyń saıası kóshbasshylyǵy men erik-jigerine baılanysty bolǵanyn esh­qashan umytpaýymyz kerek. Biz Qazaqstannyń Tuńǵysh Prezıdentine el basshylyǵynda bol­ǵan 30 jyl ishinde kez kelgen ózgeristerge, geosaıası jaǵdaılarǵa qaramastan, etnosaralyq máselede óz ustanymdarynan aınymaǵan saıası erik-jigerine zor qurmet kórsetýge tıispiz. Qazir biz Qa­zaq­st­annyń Tuńǵysh Prezıdenti – Elbasy Nursultan Nazarbaevtyń beıbitshilik pen kelisim saıa­sa­tyn qorytyndylaýdyń ma­ńyz­dy shegindemiz. Atalǵan másele bo­ıynsha jumystyń jańa múm­kin­shilikteri ashylýda. Ǵylymı qo­ǵam­dastyq aldynda óte mańyzdy mindet tur – Elbasynyń Qazaqstan halqyn saıası ultqa ıntegrasııalaý boıynsha qundy tájirıbesin taldap qorytý.

Osy oraıda etnosaralyq qaty­nas­tar salasyndaǵy memle­ket­tik saıa­sattyń jańa paradıgmalary men algorıtmderin qalyptastyrý qajet», dedi Janseıit Túımebaev.

Tatýlyq pen kelisim qundy­lyq­tary Elbasy Nursultan Nazar­baev saıasatynyń árdaıym asa mańyzdy basymdyqtary ekeni belgili. Sonyń arqasynda qoǵa­my­myzdyń kópetnosty bolýy, mádenıetter men tilderdiń alýan túrliligi bizdiń artyqshylyǵymyz ben jetistigimizge, Qazaqstan da­mýy­nyń berik negizine aınaldy.

J.Túımebaev etnosaralyq kelisimdi, qoǵamdaǵy tole­rant­ty­lyqty jáne halyq birligin ny­ǵaıtýǵa septigin tıgizýshi bire­geı ınstıtýt – Assambleıanyń qyzmeti men ereksheligine toqta­la ketti: «Búginde biz Nursultan Nazarbaev álemdegi eń sátti ult­aralyq qatynastar mode­li­niń avtory bolǵandyǵyn nyq senim­men aıta alamyz. Nursultan Ábishuly Nazarbaevtyń basshy­ly­ǵymen elimiz álemdegi bedel­di ári ornyqty memleketke aınaldy. Elbasynyń saıası kóshbas­shy­ly­ǵyn, prezıdenttik ınstıtýtty qoǵamdyq kelisim men birlik saıasatynan bólip qaraýǵa bolmaıdy.

Táýelsizdik jyldarynda eldegi barlyq strategııalyq qujattar etnosaralyq qatynastar faktoryn eskere otyryp qabyldandy. Mem­leketimizdiń damýy, áleý­met­tik-ekonomıkalyq jáne saıası reformalar qoǵamdaǵy kelisim men birlikti nyǵaıtý shartymen júzege asyryldy. Bul Qazaqstan damýynyń aksıomasyna aınaldy. Assambleıa óziniń 25 jyldyq belsendi jumysynda orasan birik­ti­rýshilik pen zııatkerlik áleýet jınaqtap jáne halyqtyq dıp­lomatııa ınstıtýty úlgisine beıim­dele otyryp, uzaq damý jolynan ótti».

Sondaı-aq keńeıtilgen otyrys barysynda QHA Ǵylymı-sarap­shylyq keńesiniń alǵa qoıǵan min­detteri jaıynda baıandamalar jasalyp, jańadan qurylǵan Qoldanbaly etnosaıası zertteýler ınstıtýtynyń qyzmeti tanys­ty­ryldy. Basqa aımaqtardyń qa­tysýshylary ZOOM konferens-platformasy arqyly onlaın rejimde qosyldy.