Qazaqstan fýtbol federasııasynyń sheshimimen fýtzaldan Qazaqstan Respýblıkasynyń chempıonatyn 3 shildede bastalatyn boldy. Bul týraly «Qaırat» klýbynyń baspasóz qyzmeti habarlady.
Fýtzaldan ótýi tıis barlyq oıyn Nur-Sultanda uıymdastyrylady dep josparlanǵan. «Qaırat» fýtzal klýby alǵashqy oıynyn 3 shildede «Atyraýǵa» qarsy ótkizedi. Jarystyń tolyq kestesi aldaǵy ýaqytta jarııalanady.
Aıta keteıik, bıylǵy el chempıonatyna barlyǵy segiz komanda chempıondyq úshin talasyp jatyr. Atap aıtar bolsaq, «Qaırat», «Aqtóbe», «Atyraý», «Aıat» (Rýdnyı), «Báıterek» (Oral), «Jetisý» (Taldyqorǵan), «Kaspıı» (Aqtaý) jáne «Oqjetpes» (Kókshetaý) komandalary. Úziliske deıingi jaǵdaı boıynsha, týrnır kestesinde «Qaırat» komandasy 44 upaımen kósh bastap keledi. Odan keıingi oryndarda «Aqtóbe» (36), «Aıat» (35) jaıǵasqan.