Aýyldaǵylar tórt túlik maldyń basyn kóbeıtse, qaladaǵylar bıznespen shuǵyldanýda. О́tken jyly kásip bastaımyn dep umtylǵandarǵa qaıtarymsyz 94 grant berildi, - dep habarlaıdy Egemen.kz.
Sport sheberi Bekzat Baımuratov jeke jattyǵý zalyn ashty. Qazir aýyl jastary osy jerde sporttyń birneshe túrimen aınalysady.
"505 myń teńge kóleminde qaıtarymsyz grant aldym. Ol qarjyǵa qajetti qural-jabdyqtar satyp aldym",– deıdi jeke kásipker Bekzat Baımuratov.
Jas kásipker tek paıda tabýdy kózdemeıdi. El namysyn qorǵaıtyn jas sportshylarǵa qoldan kelgenshe kómek beredi.
Qazir Bekzat tek Qazaqstannyń ǵana emes, álem chempıondaryn da daıyndap júr. Máselen, solardyń biri kóp uldyń arasyndaǵy jalǵyz qyz Zarına Qanafına.
"Men Bekzat aǵaımen 2017 jyly tanystym. Negizinde sporttyń qoıan-qoltyq kúres túrimen aınalysamyn. О́z salmaq dárejemde Qazaqstan chempıony atandym. Álem chempıonatynda baq synadym", – deıdi sportshy Zarına Qanafına.
Qazir Esil aýdanynda kásip ashqan jastar kóp. Olardyń baǵyty san túrli. Biraq ıgiligin kóretin baǵdarlama bir. Ol 2017-2021 jyldarǵa arnalǵan "Eńbek" baǵdarlamasy.
Aqmola oblysy.