Oral qalasynda sońǵy eki kúnde – 10-11 maýsymda kóp qabatty turǵyn úılerdiń terezesinen eki sábı qulap tústi, - dep habarlaıdy Egemen.kz
"10 maýsym kúni saǵat 14.58.-de Oral qalasynyń Soltústik-Shyǵys shaǵyn aýdanyndaǵy 5 qabatty turǵyn úıde ata-anasynyń qaraýynsyz qalǵan 2017 jyly týǵan ul bala terezeden qulap, aýrýhanaǵa jatqyzyldy. 11 maýsymda saǵat 11.04.-de Vokzal kóshesi boıynsha ornalasqan 5 qabatty úıde ata-anasynyń qaraýynsyz qalǵan 2019 jylǵy qyz bala da terezeden qulap, aýrýhanaǵa jetkizildi" dep habarlaıdy Batys Qazaqstan oblystyq Tótenshe jaǵdaılar departamentiniń baspasóz qyzmeti.
Balalar jaraqattanyń aldyn alý jóninde óńirlik Tótenshe jaǵdaılar departamenti men onyń aýmaqtyq bólimsheleri jaqynda ǵana "Qaýipsiz balalyq shaq" jáne "Turmystaǵy qaýipsizdik" atty profılaktıkalyq jáne ımıdjdik beınerolıkter ázirlep taratqan bolatyn. Ásirese kóp páterli turǵyn úılerdiń terezesinen balalar qulap ketpeýin saqtandyratyn aqparat-jadynamany Oral qalasyndaǵy kóp páterli turǵyn úılerdiń 1096 kireberisine jelimdep shyqqan.
Bul aksııaǵa Batys Qazaqstan oblysy Qazaqstan halqy Assambleıasynyń "Jańǵyrý joly" jastar birlestigi belsene qatysyp, bıik úıde turatyn kóp balaly, az qamtylǵan otbasylardyń tizimin anyqtady.
"Osy chellendj aıasynda 11 otbasynyń páterine terezeni qaýipsiz etetin qurylǵy ornatyldy. Kásipkerler bolashaqta 100-den astam otbasynyń páterine osyndaı qaýipsizdik qurylǵysyn ornatýdy josparlap otyr", deıdi Batys Qazaqstan oblystyq Tótenshe jaǵdaılar departamenti jáne azamattyq qorǵaý salasyndaǵy baqylaý basqarmasynyń bas mamany, azamattyq qorǵaý podpolkovnıgi Talǵat Temirǵalıev.
Batys Qazaqstan