Bul týraly Orman sharýashylyǵy jáne janýarlar álemi komıtetiniń baspasóz hatshysy Sáken Dildahmet Facebook paraqshasynda jarııalady.
"13 maýsym 12:55 kezinde "Ertis ormany" memlekettik tabıǵı rezervaty Shaldaı fılıalynyń Galkın orman sharýashylyǵy aýmaǵynda orman órtenip jatqany belgili boldy. Qazirgi tańda rezervat pen "Qazavıalesoohrana" kásiporny qyzmetkerleri tilsiz jaýdy aýyzdyqtaýǵa kúsh salyp jatyr. Bul iske jeke quramnan 6 adam mingen MI-2 tikushaǵy, 5 órt sóndirý mashınasy, 2 traktor men 2 jeńil kólik jumyldyrylǵan. Jalpy qansha adamnyń jalynmen arpalysyp jatqany naqtylanyp jatyr.
О́rttiń sebebi - naızaǵaı razrıady. О́rt shyqqan sátte aýa temperatýrasy +34 S qurady. Ońtústik-batys baǵyttaǵy jel jyldamdyǵy 10 m / s qurap otyr. О́rttiń boljamdy alańy 100 ga (orman daqyldary). Qazirgi ýaqytta órt sóndirý jumystary júrgizilýde", - dep jazdy ol.