Almaty oblysynyń Qarasaı aýdanyna qarasty Kóksaı shaǵyn aýdanynyń aýmaǵynda kólik apaty bolyp, qapelimde eki tártip saqshysy til tartpaı ketti. Oqıǵa ornynda úshinshi qyzmetkerdiń jaraqat alǵany belgili bolǵan edi. Zardap shekken úshinshi polıseı búgin aýrýhanadan shyǵady. Bul týraly qalalyq qoǵamdyq densaýlyq saqtaý basqarmasynyń baspasóz qyzmeti habarlady, - dep jazady Egemen.kz
"Qazir naýqastyń jaǵdaıy jaqsy. Esin jıǵan. Jan-jaǵyn baǵdarlaı alady. Nevrologııalyq sımptomatıka tómendedi. Astenovegetatıvti sındrom azdap saqtalǵan. Búgin aýrýhanadan shyǵady", delingen habarlamada.