Baıanaýyl aýdanynyń ákimi Qanat Kárimov Baıanaýyl turǵyndary men qonaqtaryna úndeý joldady. Bul týraly ol Instagram paraqshasynda jarııalady.
"Tótenshe jaǵdaı rejımin alyp tastaǵanyna qaramastan, elimizdegi epıdemıologııalyq jaǵdaı da ózekti bolyp qalýda. О́zimiz ben aınalamyzdaǵy adamdardy koronavırýstan saqtaý úshin qaýipsizdik sharalaryn saqtaý kerek. Baıanaýyl aýdanynyń bas sanıtarlyq dárigeriniń qaýlysyna sáıkes, 16 maýsym saǵat 00-den bastap Baıanaýyl, Jasybaı, Sabyndykól, Toraıǵyr, Birjankól demalys aımaǵynyń barlyq demalys úıleri men jaǵajaılary sanıtarlyq-epıdemıologııalyq jaǵdaı jaqsarǵanǵa deıin jabyldy. Bul - birinshi kezekte ózimizdiń amandyǵymyz úshin óte mańyzdy", - dedi ol.
Sanepıdemıologtardyń málimetine súıensek, aýdanda koronavırýsqa shaldyǵý kórsetkishi shekti mólsherden asyp, 33 prosentti quraǵan. Búgingi kúni COVID -19 tórt aýdan turǵynynan anyqtaldy.