Atyraý qalalyq bilim berý bóliminiń bas mamany Aıjan Esmaǵanbetovanyń málimetine súıensek, 8 maýsymda №30 "Jumbaq" balabaqshasynda tańerteńgi saǵat 08.00-de jumysqa ruqsat alý úshin temperatýralyq tekseristen ótken qyzmetkerde dene qyzýy bolmaǵan eken, - dep habarlaıdy Egemen.kz.
Biraq, respıratorlyq ınfeksııa belgileri anyqtalǵan soń, qyzmetker turǵylyqty mekenjaıy boıynsha emhanaǵa jiberilipti. Sol kúni saǵat 14.00-de emhananyń ýchaskelik dárigeri jedel respıratorlyq aýrýdy rastap, qyzmetkerge eńbekke jaramsyz betshesin ashypty.
Al, 11 maýsymda balabaqshanyń qyzmetkerinen koronavırýsqa alynǵan synama oń nátıje kórsetipti.
"Biz osydan keıin balabaqshanyń kishi tobyndaǵy balalar men qyzmetkerlerden synama alýdy uıymdastyrdyq. Synama qorytyndysynda balalarda ınfeksııa belgisi tabylǵan joq. Biraq, eki qyzmetkerden qaýipti indettiń sımptomsyz belgisi anyqtaldy", - dedi Aıjan Esmaǵanbetova.
Atalǵan balabaqsha 12 maýsymnan beri jumysyn toqtatty. Onda dezınfeksııa júrgizilipti. Indet juqtyrǵan alǵashqy qyzmetker aýrýhanaǵa jatqyzylsa, eki qyzmetker úı karantıninde jatyr.
Atyraý