Eýropa fýtbol odaǵynyń (ÝEFA) resmı saıty 65 jyldyq tarıhy bar Chempıondar lıgasy týrnırinde eń jaqsy nátıje kórsetken komandalardyń reıtıngin jarııalandy, - dep jazady Egemen.kz
Úzdikter kóshin Madrıdtiń "Realy" bastap tur. Dúbirli dodaǵa 50 márte qatysqan koroldik klýb 13 ret bas júldeni oljalady. Osy jarys aıasynda barlyǵy 438 oıyn ótkizip, 262 márte jeńiske jetti. 76 oıyn teń aıaqtalsa, 100 kezdesýde utyldy. Ekinshi jáne úshinshi oryndarǵa Mıýnhenniń "Bavarııasy" men Ispanııanyń "Barselonasy" jaıǵasty. Ekeýi de aıtýly jarystyń bas júldesin bes retten oljalady. Sondaı-aq, "TOP-10" komandanyń qatarynda "Manchester Iýnaıted", "Iýventýs", "Mılan", "Lıverpýl", "Benfıka", "Portý" jáne "Aıaks" syndy álemge áıgili klýbtar bar.
Qazaqstandyq komandalar arasynda eń úzdik nátıje "Astanaǵa" tıesili. Olar 106 orynǵa jaıǵasty. Nur-Sultanda jasaqtalǵan ujym Chempıondar lıgasyna bes ret qatysty. 30 kezdesý ótkizgen olar 11 oıyndy utyp, 9 ret utyldy. Taǵy 10 báseke teń aıaqtaldy.