Shymkentte Ulttyq biryńǵaı testileý 20 maýsym men 5 shilde aralyǵynda sanıtarlyq talaptardy qatań saqtaı otyryp, qaladaǵy úsh joǵary oqý ornynyń bazasynda ótedi. Shymkent qalasy bilim basqarmasynyń málimetinshe, testileýge 8 570 túlek qatysady dep kútilýde, - dep jazady Egemen.kz
UBT ótetin joǵary oqý oryndarynyń biri - M.Áýezov atyndaǵy OQMÝ bazasy. Shymkent qalasy ákiminiń orynbasary Almasbek Mamytbekov, Shymkent qalasy bilim basqarmasynyń basshysy Janat Tájıeva ýnıversıtet bazasynda Ulttyq biryńǵaı testileý ótkizýdi uıymdastyrý boıynsha daıyndyq jumystarynyń barysymen tanysyp shyqty. Qazirgi tańdaǵy karantın erejelerine baılanysty sanıtarııalyq-epıdemıologııalyq talaptardy saqtaýdyń mańyzdylyǵy sóz boldy.
M.Áýezov atyndaǵy OQMÝ rektory Darııa Qojamjarova 10 aýdıtorııanyń sanıtarııalyq-epıdemıologııalyq talaptarǵa saı ekendigin jetkizdi.