Búgin Soltústik Qazaqstannyń oblystyq aýrýhanasynda jańadan satyp alynǵan joǵary sapaly, asa qymbat magnıtti-rezonansty tomograf (MRT) apparaty iske qosyldy, - dep jazady Egemen.kz
Onyń qoıylyp, jumysqa qosylǵan shaǵyn saltanatyna oblys ákimi Qumar Aqsaqalov ta qatysty. О́ziniń Instagramdaǵy paraqshasyna ol: "Endi dárigerler osy zamanǵy jetildirilgen MRT-ny paıdalanyp, sapaly dıagnostıkalar jasaıtyn boldy. Jyldyń aıaǵyna deıin onkokologııalyq dıspanserge de osyndaı apparattyń úshinshisin qoıatyn bolamyz. Bular kezekke turý merzimin azaıtatyn bolady", dep jazdy.
Soltústik Qazaqstan oblysynda medtehnıkalar satyp alýǵa 2018 jyly 636 mln, al 2019 jyly bul soma 3 ese kóbeıip - 2,8 mlrd teńgege jetken edi. Sonyń ózinde MRT-ǵa kezekke turǵan adamdardy kórip, ákim bul máseleni shuǵyl sheshýge kirisetinin aıtqan. Sol sóz jerde qalmaı bıylǵy jyly, qazirdiń ózinde 2,4 mlrd teńgege tehnıkalar satyp alyndy. Myna sapaly medtehnıka sonyń biri. Jyldyń aıaǵyna deıin bıyl taǵy eki MRT, KT, angıograf pen mammograf, ýltradybystyq zertteý jáne joǵary sapaly rentgen apparattary satyp alynbaqshy.
Oblysta medısınalyq kadrlar máselesi de oń sheshimin taýyp keledi. Eger 2018 jyly jańadan 56 dáriger qabyldanǵan bolsa, byltyr olardyń sany eki ese ósip, 108 mamanǵa jetken. Al bıylǵy jyldyń qorytyndysy boıynsha jańadan qabyldanatyn dárigerler sany 120 jas mamanǵa jetedi dep boljanyp otyr. Onyń ústine bıyl densaýlyq saqtaý salasynyń 32 nysany jóndeýden ótkiziledi. Qalynyń "Bereke" yqsham aýdanynda kópbeıindi jańa aýrýhananyń da qurylysy bastaldy.
Soltústik Qazaqstan oblysy