Kenshiler astanasyndaǵy I.Kostenko atyndaǵy shahta bıylǵy jyldyń alǵashqy 1 mıllıon tonna kómirin óndirdi, – dep habarlaıdy Egemen.kz oblys ákiminiń baspasóz qyzmetine silteme jasap.
Kostenkolyq kenshiler "ArselorMıttal Temirtaý" kompanııasyna qarasty Kómir departamenti boıynsha byltyr ornatylǵan óndiristik rekordtan asyp tústi. О́tken jyly "Shahtınskaıa" shahtasy mıllıondyq mejege 28 maýsymda jetken bolatyn.
Eseli eńbek jeńisine jetken ujymdy "ArselorMıttal Temirtaý" AQ Bas dırektory Bıdjý Naır men kómir departamentiniń dırektory Andreı Chernomaz quttyqtady.
Dástúr boıynsha I.Kostenko atyndaǵy shahtanyń kenshileri jumys aýysymynan keıin kómirdiń sımvolıkalyq kesegin jer betine kóterip shyǵardy. Eńbek ozattaryn qoshemetshi qaýym gúldermen jáne dý qol shapalaqtaýmen qarsy alǵannan keıin, olardy shahta dırektory Sergeı Mýstıvko quttyqtap, alǵys aıtty.
Al dırektordyń óndiris jónindegi orynbasary Vadım Eremın eren eńbegimen kózge túsken ýchaske basshylary Rýslan Gafýrov pen Vıktor Kotenkovtyń uıymdastyrýshylyq qabiletteriniń zor bolǵanyn atap ótti.
"Olar óz ýchaskelerindegi jumysty durys jolǵa qoıa bildi. Sonyń nátıjesi osyndaı tabysqa jetkizdi. Budan bólek, K-3 lavasyndaǵy zamanaýı FAMUR qurylǵysy da óndiris josparyn asyra oryndaýǵa, qaýipsizdik sharalaryn tolyǵymen saqtaýǵa ıgi yqpalyn tıgizdi", – dedi ol.
Qaraǵandy oblysy