Halyq densaýlyǵyna qatysty kodeks maquldandy

Depýtattar qaldyqtardy ener­getıkalyq kádege jaratý má­se­lelerine qatysty zań jo­ba­syn birinshi oqylymda maquldady.

Qujat tujyrymdamasynda turmystyq qatty qaldyqtardy jaǵý arqyly olardy kádege jaratý usynysy qarastyrylǵan. Bul qaldyqtardyń qorshaǵan ortaǵa teris áserin azaıtýǵa jáne olardyń kómýge jatatyn kó­le­min qysqartýǵa múmkindik beredi.

Zań jobasynyń tujyrym­dama­syna sáıkes bul usynystyń negizgi qoldaý tetigi – qoqys ja­ǵa­tyn kásiporyndar óndirgen elektr energııasyn kepildi satyp alý. Al ol óz kezeginde ja­ńar­tylatyn energetıka salasyn qoldaýdyń qoldanystaǵy teti­gine uqsas bolady. Osyǵan baı­lanysty, zań jobasynda Eko­logııalyq kodeks pen «Elektr energetıkasy týraly» jáne «Jańartylatyn energııa kózderin paıdalanýdy qoldaý týraly» zańdarǵa túzetýler engizý kózdelgen.

Zań jobasyn talqylaý barysynda depýtattar jergilikti at­qarýshy organdardy qoqys ja­ǵatyn kásiporyndardy qal­dyqtardyń qajetti kólemi­men qamtamasyz etýge mindetteı­tin normany alyp tastaýdy, sonymen birge Ekologııalyq kodekstegi jergilikti atqarýshy organ­dardyń jer zańnamasyna sáıkes qaldyqtardy energetıka­lyq kádege jaratý jónindegi obek­tilerdi qamtıtyn áleý­mettik ınfraqurylymdy salý úshin jer ýchaskelerin bólýi má­se­lelerin naqtylaýdy, qol­da­nystaǵy zańnamamen jáne Máji­lis qaraýyndaǵy zań joba­­larynyń normalarymen úıles­tirý maqsatynda quqyqtyq kol­lızııalardy joıý týraly jáne basqa da usynystar men túzetý­ler engizdi.

Odan ári depýtattar «Memle­ket­tik shekara týraly» zań jo­b­asyn birinshi oqylymda ma­quldady.

Zań jobasynda ótkizý pýnkt­terinde quqyq qorǵaý men arnaýly organdar, prokýratýra organdary qyzmetkerleriniń bolý tártibin reglamentteıtin, «Qazaqstan Respýblıkasynyń Memlekettik shekara týraly» zańnamasyn buzýdyń yqtımal táýekelderin tómendetýge baǵyt­talǵan normalar kózdeledi.

«Zań jobasynda Qazaqstan Respýblıkasynyń Memlekettik shekara týraly zańnamasyn buzýdyń yqtımal táýekelderin tómendetýge baǵyttalǵan normalar usynyldy. Osylaısha jolaý­shylardy túsirýdi (otyr­ǵyzýdy), júkter men taýarlardy tıeýdi júzege asyrmaıtyn jaǵdaıda ǵana, Qazaqstan aýma­ǵyn tranzıt túrde temir jol kóligimen ótýde shekaralyq, kedendik jáne baqylaýdyń ózge de túrlerin júrgizbeý usyny­lady», dedi Májilis depýtaty Qudaıbergen Erjan.

Sonymen qatar qujatta Ult­tyq qaýipsizdik komıteti Shekara qyzmetiniń qajetti ın­je­nerlik-tehnıkalyq qu­ral­­dardy, qurylystar men bó­geýish­terdi ornatý jónindegi quzyreti naqtylanady. «Zań joba­synda Shekara qyzmetimen pılotsyz ushý apparattaryn qol­danýdyń erejesin bekitý boıyn­sha Ulttyq qaýipsizdik komı­teti­niń quzyreti qarasty­rylady. Munymen qosa shekara keńistiginde quqyq buzýshy­lyq­tardyń jolyn kesý kezinde UQK Shekara qyzmeti alǵan janýar­lardy, balyqtardy jáne ósim­dikterdi, brakonerlik aýlaý quraldaryn, brakonerlik júzý jabdyqtaryn esepke alý, saq­taý men baǵalaý jáne odan ári paı­dalaný jónindegi jumysty uıymdastyrý quzyretin jergi­likti atqarý organdaryna berýdi qarastyrady», dedi Q.Erjan.

Odan keıin depýtattar «Ha­lyq densaýlyǵy jáne densaý­lyq saqtaý júıesi týraly» kodeks jobasyna Senat engizgen tolyqtyrýlardy talqylap, ol boıynsha kelisimin berdi. «Mem­leket basshysy Qasym-Jomart Toqaevtyń Ulttyq qoǵamdyq se­nim keńesiniń otyrysynda ber­gen tapsyrmasyna sáıkes, Par­lament Senatynyń depýtattary «Halyq densaýlyǵy jáne densaýlyq saqtaý júıesi týraly» kodeks jobasyna ózgerister men tolyqtyrýlar engizdi. Bul ózgerister men tolyqtyrýlar Májilis maquldaǵan kodeks jobasynyń tujyrymdamalyq mánin ózgertpeıdi», dedi Májilis depýtaty Záýresh Amanjolova.

Otyrysta palata birqatar jańa zań jobasyn jumysqa aldy. Olardyń qatarynda bıýd­jet zańnamasyn jetildirý máse­leleri týraly zań jobasy, sondaı-aq Qazaqstan men Moń­­ǵolııa arasyndaǵy azamat­tyq jáne qylmystyq ister jónin­degi ózara kómek týraly shartqa ózgerister engizý týraly hattamany ratıfıkasııa­laý týraly jáne EAEO men oǵan múshe memleketter jáne Ser­bııa arasyndaǵy erkin saýda tý­raly kelisimdi ratıfıkasııa­laý týraly zań jobalary bar.

Otyrys sońynda depýtattar memlekettik organdardyń basshylaryna birneshe depýtattyq saýal joldady. Májilis depýtaty Sáken Qanybekov Úkimet bas­shysy Asqar Mamınge bala­larǵa arnalǵan sporttyq ınfra­qurylymǵa qatysty depýtat­tyq saýal joldady. «Buqaralyq deneshynyqtyrýdy damytý pıra­­mıdaǵa aınalýy kerek. Son­da bizde deni saý, belsendi jas­tar kóbeıedi. Saıyp kelgende, densaýlyǵy myqty ulttan jańa chempıondar kóp shyǵady. Bul baǵytqa zańnamalyq qoldaý, sonymen qatar buqaralyq sportty damytýdyń keshendi josparyn qabyldaý qajet», dedi depýtat óz saýalynda. Sonymen birge qo­maq­ty qarjy jumsalatyn fýt­bol salasyna toqtalyp, shetelden keletin sportshylarǵa qatysty másele kóterdi.