Qazirgi ýaqytta Perýde vırýs juqtyrǵandardyń sany 240 908 quraıdy, bul Italııaǵa qaraǵanda áldeqaıda kóp. Bul týraly BBC News agenttigine silteme jasaı otyryp Egemen.kz habarlaıdy.
Búgingi tańda Perý vırýs juqtyrǵandar sanymen Brazılııadan keıingi ekinshi oryndy alyp otyr. Qazirdiń ózinde mıllıonnan astam naýqas tirkelgen. Perýde qaza tapqandar sany 7257-ni qurasa, Brazılııada 45000-nan asady.
Latyn Amerıkasynda − tórt mıllıonnan astam adam ınfeksııa juqtyrǵan, sóıtip ol pandemııanyń negizgi epısentrine aınaldy. Solardyń qatarynda zardap shekken Brazılııa, Perý jáne Chılı elderi de qosylyp otyr.
Ahýaldyń kúrt nasharlaýyna baılanysty Perý endi karantındik rejimdi 30 maýsymǵa deıin uzartty. Sebebi kúnine naýqastardyń sany jyldam ósýde. Sońǵy bir kúnde 3700 jaǵdaı tirkelgen. Bul tek daǵdarysqa deıin mamyr aıyndaǵy aýyrǵandardyń ortasha sany deýge bolady.