Janashyr jastar

Oblystyq Ishki saıasat basqarmasy jastarmen ju­mys bóliminiń basshysy Erke­bulan Baltabekovtiń aıtýynsha, óńirdiń volonterleri «Biz birgemiz» aksııasyna belsendi qatysqan. «Aımaq volonterleriniń bastamasymen oblys turǵyndary arasynda koronavırýstyń aldyn alý týraly usynystary bar jadynamalar men gazetterdiń arnaıy shyǵarylymdaryn, kóp rettik betperdelerdi tigý jáne olardy halyqqa taratý boıynsha aksııalar uıymdastyryldy. Volonterler quqyq qorǵaý or­gan­darymen birlesip halyq­qa túsindirý ju­mys­taryna da qatysty. О́ske­men, Semeı qalalarynyń 93 volon­teri azyq-túlik pen birinshi qa­jettiliktegi taýarlardy, 70 jas­tan asqan adam­darǵa jáne I, II sanattaǵy múge­dek­terge dá­ri-dármekterdi jetkizý ju­mys­taryna tar­tylǵan», deıdi ol.

Aksııa sheńberinde 17 myń­ǵa jýyq medısınalyq bet­perde, kóp balaly, az qam­tyl­­ǵan otbasylarǵa, jal­ǵyz tura­tyn qarttarǵa 800-den astam azyq-túlik sebeti jáne 845 myńnan astam ar­naıy shyǵarylǵan gazetter tara­tylypty. Oblys volon­ter­leri, sonymen qatar «Jylý syıla», «Meıirimdi kór­shiler» aksııa­laryn da ótkizipti. Atalǵan is-sharalar aıasynda volonterler polısııa jáne áskerı qyzmetshilerge, dárigerlerge ystyq shaı, baýyrsaq, sút ónimderin taratyp, qarııalarǵa aýlalardy jınaýǵa, azyq-túlik pen dári-dármek alýǵa kómektesipti. Áleýmettik jelilerde «Men úıdemin» («Ostansıa doma»), «Doma s polzoı» atty tótenshe jaǵ­daıda úıde otyrýǵa shaqy­ratyn chellendjder uıym­dastyrylyp, 300-den astam beıneúndeýler jarııalanypty. «Erekshe atap óter jaıt, oblysta shekteý sharalary engizilgennen beri koronavırýstyq ınfeksııanyń aldyn alý boıynsha túsindirý jumystaryna jáne basqa da is-sharalarǵa 400-ge jýyq volonter qatysty. Jas otbasylar, kásipkerler men úkimet­tik emes uıymdar ókilderi, mem­lekettik qyzmetshiler de volonterlik kómekte erekshe kózge tústi. Barlyq volonter­ler qorǵanys kombınezondarymen, antıseptıkalyq quraldarmen, medısınalyq betperdelermen jáne qolǵap­tarmen qamtamasyz etilgen», deıdi E.Baltabekov.

Shyǵys Qazaqstan oblysy