Koronavırýs: Juqtyrý deńgeıi 6 esege deıin ósken

Naýryz aıynan bastap el boıynsha barlyǵy KVI-ǵa 1 271 471 test júrgizildi.

"Bul rette, Qazaqstanda 1 KVI jaǵdaıyna 78 testten keledi, bul Reseı, AQSh, Italııa, Kanada, Avstrııadaǵy testileý deńgeıinen joǵary, 100 myń turǵynǵa shaqqanda test sany 6824-ti quraıdy", dedi L. Aqtaeva.

Qazirgi ýaqytta testileý epıdemıologııalyq kórsetilimder boıynsha, profılaktıkalyq maqsatta jáne epıdqadaǵalaý sheńberinde júrgiziledi. Bas memlekettik sanıtarııalyq dárigerdiń qaýlysyna sáıkes zerthanalyq tekserýge:

• Naýqastar men vırýs tasymaldaýshylar;

• JRVI, tumaý, pnevmonııamen aýyratyn naýqastar;

• Naýqastarmen baılanysta bolǵan adamdar;

• Stasıonarlar men medısınalyq-áleýmettik mekemelerge jatqyzylǵan adamdar; 

• Medısına qyzmetkerleri; 

• Áskerge shaqyrylýshylar;

• QR aýmaǵyna keletin adamdar jatady.

COVID-19-ǵa PTR-testileý úshin 56 zerthana jumys isteıdi, testileý qýaty táýligine 28 000-ǵa deıin jetkizildi.

Bas memlekettik sanıtarııalyq dárigerdiń qaýlysymen aıqyndalǵan testileýge jatatyn halyqty testileýmen qamtýdy qamtamasyz etý maqsatynda bıýdjet esebinen qýatty táýligine 30 000 testke deıin, al memlekettik jáne jeke sektor zerthanalar qýaty esebimen jalpy el boıynsha táýlikke 35 myńǵa deıin arttyrý josparlanýda.

Sońǵy aptada (8-14 maýsym aralyǵynda) respýblıkada 5 485 jaǵdaı tirkeldi. 

О́tken aptamen (1-7 maýsym aralyǵynda) salystyrǵanda syrqattanýshylyq 1,9 ese ósken (2908-den 5485-ke deıin).

Aýrý jaǵdaılarynyń jalpy sanynyń 44%-y (2422 jaǵdaı) baılanysta bolǵan adamdar arasynda tirkelgen, 36%-y (1989 jaǵdaı) kásiptik tekserý júrgizý kezinde anyqtaldy, 19%-y (1035 jaǵdaı) JRVI-men aýyrǵan pasıentter arasynda, ákelingen jaǵdaı – 1 % (39 jaǵdaı).

Bul rette, aýrý sımptomdary bar jaǵdaılardyń sany 1,3 ese ósken (1 551-den 1 950 jaǵdaıǵa deıin) jáne aýrý juqtyrýdyń jalpy sanynyń 35,5%-yn qurady, al sımptomsyz jaǵdaı 2,6 ese ósken (1 357-den 3 535-ke deıin) nemese aýrý jaǵdaılarynyń jalpy sanynyń 65%-yn qurady.

Osy aptanyń 3 kúninde (15-17 maýsym aralyǵynda) jaǵdaı qolaısyz bolyp sıpattalady, mysaly, osy aptanyń 3 kúninde 3007 jaǵdaı tirkeldi (1068 sımptommen jáne 1939 sımptomsyz), al ótken aptanyń osyndaı kezeńinde (8-10 maýsym) – 1871 jaǵdaı tirkelgen, ósim 1,6 ese.

Bul rette 15 óńirde aýrýdyń 1,2 eseden 6 esege deıin óskeni baıqalady (Shymkent qalasy men Mańǵystaý oblysyn qospaǵanda).

Jaǵdaıdy obektıvti baǵalaý maqsatynda Densaýlyq saqtaý mınıstrligi epıdemıologııalyq jaǵdaıdy baǵalaýdyń qosymsha ólshemsharttaryn engizdi. 

Birinshiden, epıdemıologııalyq jaǵdaıdyń dınamıkasy nazarǵa alynady. 

"Bul jerde biz buryn paıdalanylǵan “ósý qarqyny” degen kórsetkishten arylamyz, sebebi jalpy aýrý jaǵdaılarynyń sany belsendi aýyratyn naýqastardyń sanynan ózgeshe bolǵan jaǵdaıda, bul kórsetkish epıdemııanyń damý qarqynyn tolyq kólemde kórsetpeıdi. Biz jaǵdaıdy baǵalaý úshin R – reprodýktıvti san kórsetkishin qoldanamyz, ıaǵnı bir koronavırýs ınfeksııasymen aýyratyn naýqas ortasha eseppen aýrý juqtyratyn baılanysta bolǵan adamdardyń sany",  dedi mınıstrdiń m. a.

Ekinshiden, shekteý sharalary mindetteriniń biri — naýqastar aǵynyna shamasy kelmeıtin kezde densaýlyq saqtaý júıesiniń shamadan tys júktelýine jol bermeý. Sondyqtan ekinshi ólshemshart koronavırýs ınfeksııasymen aýyratyn naýqastarǵa arnalǵan bos emes tósek qorynyń kórsetkishi bolyp tabylady.

Sondaı-aq, biz qosymsha kórsetkishterdi de eskeremiz. Bul ólim-jitim – KVI-den bolatyn ólim-jitim kórsetkishiniń ósýi, aýyr jáne óte aýyr dárejedegi naýqastardyń úlesi (ósimi).

"Eger R kórsetkishi 1,3-ten asatyn bolsa, ne ol 1,15-ten 1,3-ke deıingi dıapazonda bolsa, bul rette bos emes tósekter 70%-dan artyq bolsa, ne bos emes tósekterdiń paıyzy reprodýktıvtik sanǵa qaramastan 90%-dan joǵary bolsa, karantındik jáne shekteý sharalaryn kúsheıtý qajet",  dedi L. Aqtaeva.

О́lshemsharttardyń oń dınamıkasy bolmaǵan jaǵdaıda – shekteý sharalaryn qoldanystaǵy deńgeıde saqtaý usynylady.

Shekteý sharalaryn jeńildetý úshin ólshemshart – bos emes tósekter sanynyń 50%-dan kem jáne R kórsetkishiniń 1-den kem bolýy.

Tek 3 óńirde ǵana (Batys Qazaqstan, Qostanaı jáne Mańǵystaý oblystary) shekteý sharalary burynǵy kólemde qaldyrylýy múmkin. Búgingi kúni qosymsha qatańdatý sharalary barlyq 17 óńirde engizildi.

KVI syrqattanýshylyǵynyń ósýin eskere otyryp, keshe 18 maýsymdaǵy VAK sheshimimen Nur-Sultan jáne Almaty, Qaraǵandy, Shymkent, Pavlodar, Ekibastuz qalalarynda aldaǵy demalys kúnderi karantındi kúsheıtýdiń qosymsha sharalary qabyldandy, atap aıtqanda 20-21 maýsymda:

• saýda-oıyn-saýyq ortalyqtarynyń, saýda úıleriniń, saýda jelileriniń, jabyq azyq-túlik jáne azyq-túlik emes bazarlardyń, bazarlardyń qyzmeti toqtatylady;

• qoǵamdyq tamaqtaný obektileriniń jumysy áleýmettik qashyqtyqty saqtaı otyryp, ashyq aýada kóshe formatynda ǵana ruqsat etiledi;

• qoǵamdyq kóliktiń jumysy shekteledi;

• qoǵamdyq oryndardyń: saıabaqtar, skverler, jaǵalaýlar, jaǵajaılar, akvaparkterdiń jumysy toqtatylady;

• fıtnes ortalyqtarynyń qyzmeti toqtatylady; 

• 65 jastan asqan adamdardyń kóshege shyǵýy shekteledi;

• aýmaqtyq jaǵynan Nur-Sultan, Almaty, Qaraǵandy, Shymkent, Pavlodar, Ekibastuz qalalaryna jaqyn ornalasqan týrıstik aımaqtarǵa kirý jabylady. 

Sondaı-aq óńirlerdiń 50 myńnan astam halqy bar eldi mekenderinde: 

• qoǵamdyq oryndardyń: saıabaqtar, skverler, jaǵalaýlar, akvaparkterdiń jumysy toqtatyldy;

• týrıstik aımaqtarda turatyn adamdarǵa áleýmettik qashyqtyqty saqtaý usynylady; 

• 65 jastan asqan adamdardyń kóshege shyǵýy shekteldi.