UFC prezıdenti Dana Ýaıt eki salmaq boıynsha uıymnyń burynǵy chempıony Konor MakGregordyń sporttan ketkenin rastady, dep habarlaıdy Egemen.kz.
"Men sońǵy ýaqytta MakGregor týraly eshqandaı jańalyq estigen joqpyn. Ol karerasyn aıaqtap ketti", dedi Ýaıt.
Jýyrda MakGregor karerasyn aıaqtaǵany týraly habarlaǵan edi. Buǵan deıin ırlandııalyq sportshy eki ret karerasyn aıaqtap, qaıta oralǵan edi. Karerasyn ne úshin aıaqtady degen saýalǵa Konor laıyqty qarsylas joq dep jaýap bergen bolatyn.
31 jastaǵy MakGregor aralas jekpe-jekte 2008 jyldan beri óner kórsetti. Sońǵy kezdesýin ol 2020 jyldyń qańtar aıynda Donald Serronege qarsy kezdesý ótkizip, 40 sekýndta jeńiske jetti.
Jalpy Konor aralas jekpe-jekte 26 kezdesý ótkizip, 22 kezdesýde jeńiske jetip, tórt ret utylǵan. Irlandııalyq sportshy sońǵy ret Habıb Nýrmagomedovten jeńilgen edi. Ol kezdesý 2018 jyldyń qazan aıynda ótti.