Portýgalııa quramasy men týrındik "Iýventýs" klýbynyń shabýylshysy Krıshtıaný Ronaldý taǵy bir rekord ornatty, dep habarlaıdy Egemen.kz.
35 jastaǵy shabýylshy 27-týrda "Verona" qaqpasyna gol soqty. Bul Ronaldýdyń Italııa chempıonatyndaǵy 43 goly edi. Osylaısha, ol portýgalııalyq fýtbolshylar arasynda A serııasynda eń kóp gol soqqan oıynshy atandy.
Buǵan deıingi rekord "Mılan" men "Fıoretınanyń" shabýylshysy Rýı Koshtaǵa tıesili edi. Ol 42 gol soqqan. "Iýventýs" pen "Verona" arasyndaǵy kezdesý 2-0 esebimen aıaqtaldy. Ekinshi goldy argentınalyq shabýylshy Paýlo Dıbala soqty.
Aıta keteıik, Ronaldý portýgalııalyq fýtbolshylar arasyndaǵy Ispanııa birinshiliginde eń kóp gol soqqan fýtbolshy. "Realdyń" sapynda ol 311 ret kózge túsken. Sondaı-aq ol Aǵylshyn birinshiliginde de otandastary arasyndaǵy úzdik surmergen. "Manchester Iýnaıted" sapynda Krıshtıaný 84 gol soqqan.