Polıseılerge arnalǵan quttyqtaýdy aımaq basshysy Ábilqaıyr Sqaqov Instagram áleýmettik jelisindegi paraqshasynda jarııalady, dep habarlaıdy pavlodarnews.kz tilshisi.
"Qurmetti polısııa qyzmetkerleri! Qadirli ishki ister organdarynyń ardagerleri!
Sizderdi Qazaqstandyq polısııa kúnimen shyn júrekten quttyqtaımyn!⠀Sizder qıyn ári qaýipti kásipti tańdadyńyzdar. Ár kúnderińiz qaýipke toly jáne úlgili ózindik tártipti talap etedi. О́ıtkeni sizderdiń mıssııalaryńyz qylmyspen jáne zań buzýshylyqtarmen kúresý ǵana emes, sondaı-aq bılik atynan laıyqty áreket etý bolyp tabylady. Azamattar sizderdiń qyzmetterińizige úlken úmit artady, bul sizder úshin úlken jaýapkershilik.⠀Kópshiligińiz osy merekeni qyzmet ústinde qarsy alatyndaryńyz anyq. Sizderge mindetterińizdi sátti oryndap, ózderińiz úshin únemi alańdap otyratyn jaqyndaryńyzǵa tez arada oralýdy tileımin. Otbasylaryńyzǵa qut-bereke tileımin!⠀Qazaqstandyq polısııanyń qalyptasýyna, ishki ister organdarynyń úzdik dástúrleriniń saqtalýyna jáne jas qyzmetkerlerge tájirıbe berýde qosqan baǵa jetpes úlesi úshin ardagerlerge sheksiz alǵysymdy bildiremin.⠀Qyzmettik boryshyn atqarý kezinde qaza tapqan polısııa qyzmetkerleri esimizde máńgilik saqtalyp qala beredi! Olarǵa degen alǵysymyz ben rızashylyǵymyz bizdiń júregimizde.⠀Ishki ister organdarynyń barlyq qyzmetkerlerin Polısııa kúnimen quttyqtaımyn! Sizderge jáne sizderdiń jaqyndaryńyzǵa densaýlyq, qajymas qaırat jáne tabys tileımin", - delingen quttyqtaý hatynda.