Jýyrda en dalanyń erkesin kózi qıyp atqandar reıdke shyqqan tabıǵat qorǵaýshy polısııa men orman sharýashylyǵy qyzmetkerlerin kórip, júre almaı kólikterin tastap, ózderi ormanǵa qashqan. Oqıǵa Shal aqyn aýdanynyń Mıneevka aýyly mańyndaǵy ormanda bolǵan. Mashınadan eki myltyq jáne atyp alǵan eliktiń eti tabyldy. Polıseıler ormanda qaldyrylǵan "Lada" kóliginiń ıesi 31 jastaǵy Ortaqkól aýylynyń turǵyny ekendigin anyqtady, - dep jazady Egemen.kz
Sóıtip, erke elikti atqan úsh qanipezer de ustalyp, ústerinen is qozǵaldy. Alynǵan myltyqtar men olardyń orman alqaptarynda ár jerge jasyrǵan analyq sibir eliginiń eti brakonerlerdiń bul ispen turaqty aınalysatynyn kórsetip tur. Tergeý áreketteri nátıjesinde olar ań aýlaǵan jerlerin de atap berdi. Alynǵan myltyqtardyń tirkelmegeni de belgili boldy. Qarýdy zańsyz saqtaý faktisi boıynsha da ákimshilik materıal jınaldy. Endi bular sot sheshimimen bas bostandyqtarynan aıyrylýlary da múmkin.
"Qazirgi kezde ań aýlaýǵa tyıym salynǵan. Jyl basynan zańsyz ań aýlaýdyń 12 faktisi anyqtaldy, brakonerlerge qatysty qylmystyq qýdalaý sharalary qabyldandy. Ań aýlaý tártibin buzýǵa baılanysty 200-den astam fakti boıynsha ákimshilik jaýapkershilik belgilendi", deıdi SQO PD tabıǵatty qorǵaý polısııasynyń aǵa ınspektory Ashat Qojabaev.
Soltústik Qazaqstan oblysy