Bul kúnderi barlyq BAQ ókilderi tanymal brazılııalyq shabýylshy Vagner Lavtyń bıylǵy maýsymda Almatynyń "Qaırat" klýbynyń namysyn qorǵaıtyny jaıynda jarysa jazýda, - dep habarlaıdy Egemen.kz.
36 jastaǵy Brazılııanyń Rıo-de-Janeıro qalasynyń týmasy 2004-2012 jyldar aralyǵynda SSKA-nyń sapynda jasyndaı jarqyraǵany barsha jankúıerdiń jadyndy. Sol kezderi máskeýlik ujym Reseı chempıonatynda úsh márte top jardy. El kýbogyn alty jáne sýper kýbogyn tórt retten ıelendi. 2005 jyly ÝEFA kýbogyn oljalady. SSKA-nyń osyndaı zor tabysqa jetýine Lavtyń qosqan úlesi orasan zor ekeni daýsyz.
Odan bólek, ol Brazılııanyń "Palmeıras" (2002-04, 2009-10), "Flamengo" (2010, 2012-13), "Korıntınas" (2015-16, 2019-20), Qytaıdyń "Shandýn Lýnen" (2013-15), Fransııanyń "Monako" (2016), Túrkııanyń "Alanııaspor" (2016-18) men "Beshıktash" (2018-19) klýbtarynda oınady. Bul birinshilikterdiń barlyǵynda da Ońtústik Amerıkanyń oǵylany ózin jaqsy qyrynan kórsete bildi.
2003 jyly Brazılııanyń jastar quramasy sapynda bes kezdesý ótkizgen Vagner Lav tórt ret nysanany dál kózdedi. 2004-07 jyldar aralyǵynda ulttyq komandanyń jeıdesin kıdi. Sol aralyqta 20 ret jasyl alańǵa shyǵyp, tórt goldyń avtory atandy.