Qazaqstandaǵy Eýropalyq Odaq О́kildigi tuńǵysh ret "Eýropa áleminde" atty ertegiler jınaǵyn qazaq tilinde jaryqqa shyǵardy, - dep jazady Egemen.kz
Kitap Eýropanyń mádenı murasynyń biryńǵaı toptamasy retinde Eýropalyq Odaq elderiniń ańyzdary men basqa da dástúrli ertegileriniń jınaǵy. Kitaptyń maqsaty – Eýropa halyqtarynyń tańǵajaıyp halyq dástúrleriniń ortaq negizin tabý, sonymen birge eski qurlyqtyń qundylyqtarynyń birligin kórsetý.
Kitapqa Eýropalyq Odaqqa múshe 27 eldiń árqaısysynyń halyq ertegileri, ańyzdary men naqyl sózderi kirgen. Jınaqtaǵy keıbir asa sırek kezdesetin ertegiler qazaq tilinde tuńǵysh ret jarııalanyp otyr.
Eýropalyq Odaq Elshisi Sven-Olov Karlsson: “Qazaqstandyq oqyrmandardyń basym kópshiligi osy ertegilermen tanys ekendigine senimdimin. Mádenıet shekara talǵamaıdy, qurlyqtarǵa, keıde odan da tys aımaqtarǵa óris jaıady. Sol sebepti, uqsastyǵymyz biz oılaǵannan da kóp jáne bul kitaptyń maqsaty osy baılanystardy kórsetý”.
Kitap daıyndaýǵa jarty jyl ýaqyt ketken. Barlyq ıllıýstrasııalar Qazaqstan Sýretshiler Odaǵynyń músheleri, daryndy apaly-cińili Ǵalııa jáne Balqııa Qusaıynovalarmen (GaBo) daıyndaldy. “Eýropa áleminde” ertegiler kitabynyń elektrondy nusqasy barsha oqyrmanǵa qoljetimdi.