Batys Qazaqstan oblystyq bas sanıtar dárigeriniń qaýlysyna sáıkes óńirde aldaǵy demalys kúnderi karantın sharalary qatańdatyldy. Oral qalasynda sanıtarlyq-gıgıenalyq talaptardy buzǵan 11 nysannyń jumysy toqtatyldy, - dep habarlaıdy Egemen.kz.
Búginde oblysta kún saıyn koronavırýs ınfeksııasyn juqtyrǵan, aýrýdyń aıqyn belgileri bar 30-35 adam tirkeledi. Al aýrý belgileri joq naýqastar sany odan da kóp. Maýsymnyń 24-i kúni 15 adam ókpeni jasandy jeldetý apparatyna, 21 adam ottegi apparatqa qosylǵany belgili boldy.
"Biz qosymsha aýrýhanalar ashqannyń ózinde koronavırýsqa shaldyqqan adam sany kún saıyn artyp, jańadan ashylǵan oryndar tez tolyp qaldy. Dárigerler men medbıkeler kúndelikti aýrýmen kúresip, birneshe aıdan beri tynym tappaı eńbek etýde. Bul óte qaýipti aýrý jáne onyń bar ekenine kópshiliktiń kózi jetti. Osy aýrýǵa shaldyqqan týystarymyz, áriptesterimiz ben dostarymyz bar", dep jazdy Batys Qazaqstan oblysynyń ákimi Ǵalı Esqalıev óziniń áleýmettik jelidegi paraqshasynda.
Jergilikti bılik qaýipti jaǵdaıǵa qaramastan keı azamattardyń kópshilik sharalar, toı-tomalaq ótkizýine alańdap otyr. Monıtorıng, saalnama nátıjesine qaraǵanda aýrý juqtyrýshylardyń deni osyndaı sharalardan soń aýyra bastaǵan.
О́ńir basshysy osyndaı faktiler boıynsha materıaldar sotqa joldana bastaǵanyn habarlady. Máselen, Oral qalasynda sanıtarlyq-epıdemıologııalyq talaptardy saqtamaǵany úshin "Aıajan" saýda úıin, "Altyn alma" jáne "Mıhaıl" bazarlarynyń isi sotqa joldanǵan. Sondaı-aq Oral qalalyq sanıtarlyq-epıtdemıologııalyq bólimi mamandary ákimshilik quqyqbuzýshylyqqa jol bergen 30 adamnyń ústinen hattama toltyrǵan. Osylaısha, Oral qalasynda saýda jáne qyzmet kórsetetin 11 nysannyń jumysy ýaqytsha toqtatyldy.
Turǵyndarǵa arnalǵan tyıym sharalarynyń kóbi aldaǵy demalys kúnderi kúshine enedi. Atap aıtqanda 27-29 maýsym aralyǵynda azamattardyń júrip-turýy shekteledi. Iаǵnı kóshede adamdar jumys ornynan berilgen anyqtama nemese qyzmettik kýálik negizinde ǵana júre alady. Turǵyndar azyq-túlik, dári-dármekti jaqyn jerdegi dúken men dárihanadan satyp ala alady. Úı janýarlaryn serýendetýge tek turǵylyqty úı mańynda ǵana ruqsat etiledi. Jasy 65-ten asqan adamdardyń asa qajet bolmasa, kóshege shyǵýyna shekteý qoıyldy. Saýda-oıyn-saýyq ortalyqtary, saýda ortalyqtary men úıleri, azyq-túlik jáne azyq-túlik satpaıtyn bazarlar, osyndaı saýda jelileri, qoǵamdyq tamaqtaný nysandary, fıtnes-ortalyqtar men basqa da sport nysandary, qoǵamdyq oryndar qyzmeti toqtatylady. Sondaı-aq qoǵamdyq kólik júrmeıdi.
Demalys kúnderi menshik nysanyna qaramastan barlyq uıymdar men kásiporyndar saýda ortalyqtary men úılerinde, bazarlarda, qoǵamdyq kólikterde, azyq-túlik jáne azyq-túlik emes ónimderdiń saýda nysandarynda, qyzmet kórsetý salasyndaǵy nysandarda jáne adamdar kóp jınalatyn basqa da oryndarda aýqymdy dezınfeksııalaý jumystaryn júrgizedi.
Batys Qazaqstan