Elimizde ótkeli otyrǵan EKSPO-2017 halyqaralyq kórmesine daıyndyqty ónertapqyshtarymyz bastap ketkeli qashan. Olar respýblıkanyń barlyq aımaqtarynda derlik kórmege qatysty jasalǵan ıgi jobalaryn álem kórermenderi aldynda kórsetýge asyǵýly. Bulardyń qatarynda ózindik erekshe jańalyqtarymen jurtshylyqty tamsandyramyz dep otyrǵan jas óskin oqýshylar da bar. Elordada ótken «EKSPO-2017 balalardyń kózimen» taqyryby aıasynda «Mektep tabaldyryǵynan – ǵylymǵa» atty ǵylym men tehnıkanyń halyqaralyq ǵylymı-tájirıbelik forýmy da osynyń dáleli.
Elimizde ótkeli otyrǵan EKSPO-2017 halyqaralyq kórmesine daıyndyqty ónertapqyshtarymyz bastap ketkeli qashan. Olar respýblıkanyń barlyq aımaqtarynda derlik kórmege qatysty jasalǵan ıgi jobalaryn álem kórermenderi aldynda kórsetýge asyǵýly. Bulardyń qatarynda ózindik erekshe jańalyqtarymen jurtshylyqty tamsandyramyz dep otyrǵan jas óskin oqýshylar da bar. Elordada ótken «EKSPO-2017 balalardyń kózimen» taqyryby aıasynda «Mektep tabaldyryǵynan – ǵylymǵa» atty ǵylym men tehnıkanyń halyqaralyq ǵylymı-tájirıbelik forýmy da osynyń dáleli.
Atalǵan basqosýǵa alys-jaqyn shetelderden ókilder men elimiz oblystarynyń, Astana jáne Almaty qalalarynyń 8-11-synyp oqýshylary kelipti. Sonymen birge, bulardyń arasynda ǵylymı qoǵamdar men ǵylymı-tehnıkalyq jaratylystaný baǵytyndaǵy óńirlik baıqaýlardyń jeńimpazdary da bar.
Forým aıasyndaǵy jurtshylyqty qyzyqtyrǵan sharanyń biri – «Ideıalar. Jobalar. О́nertabys» ǵylymı-tehnıkalyq shyǵarmashylyq robottehnıkasy jáne ınnovasııalyq jobalar kórmesi der edik. Mundaǵy elimizdiń barlyq aımaqtarynan derlik kelgen irgeli jumystar oqýshylardyń óz jetekshilerimen birge jurtshylyqqa tanystyryldy. Qaraǵandy oblysynyń «Murager» mektebinen kelgen oqýshy Shyńǵys Smaǵulovtyń bıootynǵa baılanysty jańalyǵy da kórermenniń qyzyǵýshylyqtaryn týǵyzdy. Ekologııalyq taza, shyǵyndy múldem az talap etetin bul jumystyń erekshelikterin avtor egjeı-tegjeıli aıta kele, aldaǵy turǵan másele otyn alynatyn qıdyń ıisin tazalaý ekendigin aıtty. Ol endi osy baǵytta jumystar jasaıtyndyǵyn jetkizdi.
Al elordadaǵy №50 Qazǵarysh mektebiniń 10-synyp oqýshysy Almatın Almasbektiń (jetekshi ustazy Shernııaz Ilııasov) jasaǵan traktor maketi men eki qabatty avtobýs jobasy da erekshe bolyp otyr. Áýeli traktorǵa keler bolsaq, ol shópti oryp, jınap, sonymen birge, taılap ta úlgeredi eken. Sondaı-aq, onyń janar-jaǵarmaı únemdiligi de qyzyqtyrmaı qoımaıdy. Aýylsharýashylyq tehnıkalarynyń ishinde «Belarýstan» kem túspeıtin bul traktordyń quny odan edáýir tómen. Máselen, «Belarýs» traktory shamamen 3 mıllıon teńgeden astam bolsa, munyń baǵasy jobamen 2 mıllıon teńgeden aspaıtynǵa uqsaıdy. Bir jaǵynan otandyq ónim, ekinshi jaǵynan baǵasy da tómen bul bolashaq traktordy jıylǵan jurt jıi tóńirektep qyzyqtady. Al eki qabatty avtobýs jobasy qalaishilik baǵytqa arnalǵan. Joba jetekshisiniń aıtýynsha, ishine júz qaraly jolaýshy erkin sııatyn kólikte EKSPO-ǵa kelgen qonaqtar men jalpy týrısterge arnaıy jaǵdaı jasaý qarastyrylǵan. Valıýta aıyrbastaý, túrli tólemder qabyldaý oryndaryn osy avtobýs ishinde ornalastyrý josparlanǵan.
Forým shyǵarmashyl áleýeti joǵary daryndy balalardy anyqtaý men qoldaýdyń jańa satysy bolmaq. Bul ǵylymı-tehnıkalyq saladaǵy izdený men zertteýshiliktiń eń úzdik jetistikterin kórsetedi. Sonymen qatar, naqty ǵylymdarǵa degen qyzyǵýshylyqtyń artýyna, energııa únemdeıtin tehnologııalardy oılap tabýǵa jáne engizýge yqpal etpek, deıdi sharany uıymdastyrýshylar.
Ábdirahman QYDYRBEK,
«Egemen Qazaqstan».