Osy olqylyqtyń ornyn toltyrý úshin qala basshylyǵy qosymsha saýda núktelerin iske qosýdy josparlaýda, dep habarlaıdy pavlodarnews.kz tilshisi.
Qalalyq kásipkerlik jáne aýyl sharýashylyǵy bólimi ókilderi habarlaǵandaı, búginde osy maqsatqa Pavlodarda alty oryn uıymdastyrylǵan: Nazarbaev, 89, Nazarbaev-Tolstoı («Azııa» dúkeni), DEÝ móltek aýdany, Qamzın, 171 («Kerýen»), Bekhojın, 15/1 («Kóktem»), Omby tas joly («Sosnovyı bor»).
Atalǵan aqparat jarııalanǵannan soń áleýmettik jelilerde saýda oryndarynyń tapshylyǵy jóninde pikirler aıtyla bastady.
Aıtalyq, pavlodarlyq Natalıa Podtıtkova Instagram jelisinde Zaton bazary maiynda óz ónimin ótkizýge nıet bildirdi.
- Biz Zaton jáne «Asyl» bazarlarynda turamyz. Adamdar sol jerde tramvaıdan túsip, bizdiń kókónisterimizdi satyp alýǵa asyǵady. Endi saıajaı ónimderin tasyp, basqa jerge barýymyz kerek pe. Osy máseleni retteýge bolady ǵoı, - deıdi Natalıa Podtıtkova.
Áleýmettik jeliler paıdalanýshylary qalalyqtardyń birazy «Otaý» jáne Lermontov-Móshhúr Júsip kósheleriniń qıylysynda ornalasqan bazarda satqysy keletinin aıtýda. Alaıda bul núktelerde oryn joq. Basqa bazarlarda da jaǵdaı osyndaı.
Qalalyq bólim bas mamany Ásel Kenjalınanyń aıtýynsha, saıajaı ónimderin satýǵa úshin Hım qalashyǵy, «Alataý» SÚ jáne Ekinshi Pavlodar móltek aýdanynda jańa oryndar ashý josparlanýda.
- Saıajaı ıeleri bul oryndardy tegin paıdalana alady. Biz barlyq aýdandardy qamtýǵa tyrysamyz. Búginde «Zaton» bazarymen zeınetkerlerge arnalǵan oryndardy berý jóninde kelisimge keldik.
Bólim bas mamany barlyq saýaldar boıynsha 65-24-48 telefonyna habarlasýǵa bolatyndyǵyn jáne turǵyndardyń ótinishteri eskeriletinin aıtty.