Jedel járdemniń júgi aýyrlady

Jıyn barysynda Sáýle Qısyqova kúnine koronavırýs ınfeksııasy jáne pnevmonııa­men 350-400-ge jýyq adam aýrýhanaǵa jatqyzylatynyn jetkizdi.

«Juqpaly aýrýlar jáne provı­zor­lyq aýrýhanalarda adamdardyń sany búginde 2,5 myńǵa deıin ósip otyr. Onyń 91 paıyzy – ortasha aýyr, 9 paıyzy – aýyr jáne óte aýyr jaǵdaıda. Olar jedel reanı­masııa bóli­mine birden túsedi. Negizi, sońǵy aptamen salystyrǵanda, naý­qastardyń sany úsh esege deıin ósti. Osy táýlikte reanımasııa bóli­minde 103 adam jatyr, onyń 55-i korona­vı­rýs ınfeksııasy bolsa, sonyń ishinde 22 adam jasandy tynys alý ap­pa­ra­ty­na qosylǵan. О́kinishke qaraı, búginde 38 ólim jaǵdaıy tirkeldi. Olardyń 70 paıyzy – 60 jastan as­qan adamdar. Pnevmonııamen aýyratyn naýqastardyń sany táýligine 600 jaǵdaıǵa deıin ósti. Buryn 80 jaǵdaıǵa deıin bolatyn. Aptasyna 8,5 esege deıin joǵarylaýy baıqalyp otyr. 12 maýsymnan bastap Nur-Sul­tan qalasyndaǵy medısınalyq uıymdardyń tósek-oryn qoryn qaıta qurýǵa baılanysty juq­paly jáne provızorlyq aýrý­ha­nalardaǵy tósek-oryn sany 1351 orynǵa ulǵaıtyldy. Tek sońǵy úsh kúnde qosymsha 830 tósek-oryn daıyndaldy. Onyń ishinde búgin Ulttyq ǵylymı medısınalyq ortalyqtyń bazasynda taǵy 200 ın­fek­sııalyq tósek-oryn daıyndalady. Sonymen, búginde koronavırýs ınfek­sııasymen kúresýge 3 135 tósek-oryndyq 12 densaýlyq saqtaý uıymy jumyldyryldy. Qazirgi ýaqytta juqpaly jáne provızorlyq aýrýhanalarda jumys júktemesi 79 pa­ıyzdy qurap otyr», dedi basqarma basshysy.

Sonymen qatar ol elordada jedel járdem qyzmetine júkteme artqanyn alǵa tartty.

«Elordada jedel járdem qyz­me­tine júkteme artty. Apta­syna tur­­­ǵyndardan 28 myń ótinish kelip tús­ken. Sońǵy táý­lik­te bul kórsetkish 4,5 myńǵa deıin jetti. Qyzmet kórse­til­gen shaqyrýlardyń sany 18 myńǵa jýyqtap, keshe 2,8 myń boldy. Sonyń ishin­de aptasyna koronavırýs indetine baılanysty 4 438 qońyraý shalyndy. Keshe 1300 shaqyrtý boldy. Je­del járdem bazasynda aýmaqtyq emhana­lar­dyń orta medısınalyq qyz­­­met­ker­leriniń baılanys or­ta­­lyǵy uıym­dastyryldy. Onda kún saıyn orta esep­pen 500-ge deıin qońyraý túsedi. Negizinen suraqtar korona­vırýs ınfeksııasyna qatysty. So­nymen qatar alǵashqy medı­sı­nalyq sanıtarlyq kómek uıym­darynda, aýmaq­tyq emhana­lar­da qosymsha jáne jańa jedel járdem toptaryn qurý týraly sheshim qabyldandy. Jalpy, jedel járdem telefon qońyraýlaryna qyz­met kórsetý úshin kún saıyn shamamen 150-ge jýyq jedel járdem brıgadasy jumys istep jatyr», dedi S.Qısyqova.

Nur-Sultan qalasy qoǵam­dyq den­­saýlyq saqtaý basqar­ma­synyń bas­shysynyń aıtýyn­­­sha, eresekter men balalarǵa jedel medısınalyq kómek to­lyq kólemde júrgizilip ja­tyr. Onyń ishinde júkti áıel­der­ge me­dısınalyq kómek 360 oryn­ǵa ar­nalǵan eki perınataldy orta­lyqta kór­setiledi. Buǵan qosa koronavırýs ınfeksııasyn juqtyrǵan júkti áıel­derge 185 orny bar №2 perınataldy ortalyq negizinde (Covid-orta­lyq­ta) medısınalyq kómek kórsetiledi.