"Kenshiler astanasynda Qaraǵandy oblysynyń ákimi Jeńis Qasymbek jergilikti polısııa departamentine sý jańa 186 avtokóliktiń kiltin onlaın rejıminde tabys etti", dep habarlaıdy Egemen.kz oblystyq polısııa departamenti baspasóz qyzmetine silteme jasap.
Atalǵan kólikterdiń barlyǵy dabyl-daýys kúsheıtkish qondyrǵylarmen jáne radıo baılanyspen jadbyqtalǵan.
Oblystyń tártip saqshylaryn kásibı merekemen quttyqtaǵan óńir basshysy polısııa qyzmetkerleriniń qazirgideı qıyn kezeńdegi jankeshti eńbegin erekshe atap ótti.
"Bul avtokólikter sizderge qyzmetterińizdi jedel jáne qaýipsiz jaǵdaıda atqarýlaryńyzǵa kómegin tıgizedi dep senemin", dedi Jeńis Qasymbek.
Jańa kólikterdiń negizgi bóligi ishki ister organdarynyń aldyńǵy sheptegi býyny jáne turǵyndarmen qoıan-qoltyq jumys isteıtin jol-patrýldik qyzmetine, sondaı-aq polısııanyń ýchaskelik ınspektorlaryna berildi.