Ońtústik Qazaqstan oblysy Shardara sý qoımasy túbinen ejelgi qalanyń orny tabyldy. Bul týraly Otyrar.kz habarlady.
Ǵalymdar osy ejelgi qalanyń ornyn Qańly memleketi dáýirlegen kezeńge jatqyzyp otyr. Al 1958-1963 jyldar aralyǵynda Reseı sarapshylary osy tóńirekke zertteý jumysyn júrgizgen eken. О́kinishke oraı, Shardara sý qoımasynyń salynýy sebepti bastalǵan is aıaqtalmaı qalǵan kórinedi. «Máskeýden, Almatydan kelgen arheologtardyń pikirinshe, bul óńir kóne túrki taıpalarynyń mekenine jatady. Endi tarıhı jádigerlerdi saqtap qalýdyń qamyn jasaýymyz qajet. Bul is jaqyn arada qolǵa alynady degen senimdemin», - deıdi Shardara aýdandyq ólketaný murajaıynyń meńgerýshisi Nurlan Smaılov.
Nurlan Smaılovtyń alańdaýynyń jóni bar. Bul jerde qazir jatqan baǵaly qolóner buıymdaryn Shardara sý qoımasynan kóterilgen sý shaıyp ketýi múmkin. Bastysy, ǵalymdar ejelgi qala tóńiregindegi tujyrymdardy ábden saraptaýdan ótkizip, ony saqtap qalýdyń joldaryn qarastyrýy qajet.
Danııar Túımebaı.