«Marsqa ushyp barý degen ıdeıany umytyńdar, bastaryńnan shyǵaryńdar, biz Jer betinde tap sondaǵydaı basqa pishindi jan ıelerin jasap beremiz». Amerıkanyń bıology ári genetıgi Kreıg Venter (Craig Venter) qazir tap osylaı dep jarııaǵa jar salyp jatyr. Bul týraly paranormal-news.ru saıty habarlady.
Kreıg Venter – jasandy genom (tuqymdyq materıal) jasap, ony jasýshaǵa (kletka) engizgen álemdegi birinshi ǵalym. Ol jaqynda ǵylym zııatkerleri Jer betinde basqa tekti pishindegi jan ıelerin jasap shyǵaratynyn aıtyp otyr. Belgili genetıktiń sózine qaraǵanda, ǵalymdar tek jasýsha ǵana emes, sonymen qatar 3D-prınteriniń kómegimen tutas organızmdi jasaýdyń baǵdarlamasyn qamtamasyz etetin bolady.
«Bizdiń bógde tekti tirshilik pishinderi genomdarynyń kez kelgen basqa jaqtaǵy mıkrobtarmen aralasqan kezdegi DNK-larynyń qalaı saqtalatynyn tekseristen ótkizý maqsatynda basqa planetalarǵa robottardy jibere bastaıtyn shaǵymyzǵa tym kóp qalǵan joq, - dedi osyǵan oraı Vınter. – Eger osy materıaldy Jerge qaıta oraltýdyń oraıy kelip jatsa, biz olardyń genomdaryn qaıta qalpyna keltirer edik. Sosyn Mars genomynyń sıntetıkalyq versııasynyń negizinde Jer betinde Marstaǵy ómir súrgen tirlishik ıelerin jasaýǵa paıdalanatyn bolamyz».
Bıolog sondaı-aq bul tásildi qarama-qarsy basqa jaqtarǵa da paıdalanýǵa bolady dep otyr. Jýrnalıstermen áńgime kezinde oqymysty sıntetıkalyq jasýshanyń qazirdiń ózinde jasalyp qoıylǵanyn jetkizdi. Ol sonymen qatar jasandy jolmen daıyndalǵan jasýshalardy ıntellekt deńgeıin kóterýge de qoldanýǵa bolatynyn aıtty.
Murat Aıtqoja.