Qytaıda dene múshelerin satýmen aınalysatyndar balanyń kózin oıyp aldy. Bul týraly Crimson-land.ru habarlady.
Alty jasar bala aýlada oınap júrgen bolatyn. Biraz ýaqyttan soń ata-anasy onyń joǵalyp ketkenin baıqady. Arada tórt saǵat ótkende bala jaqyn mańaıdaǵy alańnan tabyldy. «Biz alǵashynda ol betin jaraqattap alǵan shyǵar dep oıladyq. Jerde jatqan oıylǵan kózderdi kórgende tóbemizden jaı túskendeı boldy », – deıdi balanyń ata-anasy.
Qazir bul bala aýrýhanada jatyr.
Jalpy, Qytaıdaǵy donor tapshylyǵy naýqastardyń saýyǵyp ketýine eleýli kedergi keltirip tur. Máselen, munda jyl saıyn 300 myń adam organ aýystyrýǵa muqtaj. Al ota jasatýǵa osylardyń ishinen 10 myń naýqastyń ǵana qoly jetedi.
Kýágerlerdiń aıtýy boıynsha, belgisiz bir áıel balany aýladan jetektep alyp ketken eken. Polısııa sol áıeldi basty kúdikti retinde izdestirýde. Ony ustaýǵa kómek kórsetkenderge 15 myń dollar kóleminde syıaqy taǵaıyndaldy.
Aıdar О́risbaev.