"Eki retteýdiń ornyna bir retteý" qaǵıdatyn engizý usynylady, dep habarlady Ulttyq ekonomıka mınıstrliginiń baspasóz qyzmeti LS aqparatyna silteme jasap.
Sóıtip Qazaqstanda bıznesti tekserýdiń ornyna, jaýapqa tartpaı-aq dıagnostıkany engizý usynylǵan.
"Artyq talaptardy azaıtý úshin kásipkerler men bıznes qaýymdastyqtardyń shaǵymdary boıynsha memlekettik organdardyń tıimsiz aktilerin joıý nemese toqtata turý tetigin engizý usynylady. Iаǵnı, bızneske kedergi keltiretin sheshimder tez joıylyp, túzetilýi múmkin", - dedi R. Dálenov.
Sondaı-aq "ekeýiniń ornyna bir retteý" qaǵıdatyn engizý usynylady.
"Buǵan qoldanystaǵy ekeýiniń ornyna jańa retteý quralyn engizý kiredi. Bul bızneske aýyrtpalyqty azaıtady. Lısenzııalar men ruqsattardy ońtaılandyrý josparlanýda", - dedi mınıstr.
Sonymen qatar, josparly tekserýlerge balama retinde kásiporyndy dıagnostıkalaýǵa kóshý bolady, dedi ol.
"Mundaı bıznesti dıagnostıkalaý esep berýshiliksiz júzege asyrylady jáne josparly tekseristerdi azaıtady. Qyzmetterdi sıfrlandyrý aıasynda bızneske barlyq qyzmetterdi elektrondy túrde tolyq qamtý usynylady. Kásipkerlikti qarjylandyrýdyń qol jetimdiligin arttyrý jáne memlekettik qoldaý sharalaryn jetildirý boıynsha jumys jalǵasady", - dep qorytyndylady Dalenov.