Bıyl Aqmola oblysynda 700 shaqyrymǵa jýyq avtojol tósemi jóndeledi, dep habarlaıdy Egemen.kz
Osy jyly kóptegen eldi mekenge baǵyttalǵan tasjoldyń jaǵdaıy jaqsara túspek. Osyǵan baılanysty Kókshetaýda jóndeý jumystary júrgizilýde. Jaqyn arada birneshe kóshede asfalt-betonynyń tósemi jańartylmaq.
Sondaı-aq Nazarbaev dańǵyly men Ǵabdýllın kóshesi keńeıtiledi. Qylshaqty ózeni arqyly birneshe kópir salynady. Tasjol tósemine 39 mlrd teńge bólindi. Sybaılas jemqorlyqqa qarsy qyzmetiniń ókilderi, olardyń tıimdi paıdalanylýyn qadaǵalaıtynyna sendirdi.
Jol aktıvteriniń sapasy ulttyq ortalyǵy fılıalynyń ınjeneri Aleksandr Volkov: "Jer tósemi tekseriledi. Topyraq quramynyń sapasyn jáne kesý saqınalary arqyly tyǵyzdyǵyn anyqtaımyz. Odan ári negizgi tósenish qabattaryna, qıyrshyqtastyń fızıko-mehanıkalyq sıpattamalaryna sáıkes tekseriledi", deıdi ol.
Al Jolaýshylar kóligi jáne avtomobıl joldary basqarma basshysynyń orynbasary Vladımır Kýlakovtyń aıtýynsha, aǵymdaǵy jyly jergilikti mańyzy bar – Aqsý-Bestóbe-Izobılnyı joldary boıynsha jumystardy aıaqtaıdy. Aldaǵy iri jobalar Balqash-Shantóbe, Novocherkasskoe-Egindikól, Kókshetaý qalasyndaǵy kireberisti, sondaı-aq Zerendi baǵytyndaǵy Kókshetaý-Atbasar avtomobıl joldaryna jóndeý jumystary isteletinin aıtty.