Qazaqstanda mektep, balabaqsha, JOO men kolledjge oqýǵa túskenderden medısınalyq anyqtama ýaqytsha talap etilmeıdi. Bul jóninde Bilim jáne ǵylym mınıstrligine silteme jasap Egemen.kz habarlaıdy.
Medısınalyq anyqtamalardy alý boıynsha týyndap jatqan qıyndyqtarǵa baılanysty azamattarǵa bilim berý uıymdaryna qabyldaný úshin tıisti qujattardy tapsyrý barysynda anyqtamalardy ýaqytsha usynbaýǵa múmkindik beriledi
Azamattardyń qaýipsizdigin qamtamasyz etý maqsatynda jáne densaýlyq jaǵdaıy týraly medısınalyq anyqtamalardy alýda týyndaǵan qıyndyqtarǵa baılanysty Bilim jáne ǵylym mınıstri bilim berý uıymdaryna (balabaqshalarǵa, mektepterge, kolledjder men joo-larǵa) qujattardy medısınalyq anyqtamalarsyz qabyldaýǵa ýaqytsha ruqsat berý týraly buıryqqa qol qoıdy.
Egov.kz portaly arqyly qujattardy jiberý barysynda medısınalyq anyqtamalardy ózine baılanysty emes sebepter boıynsha usyna almaıtyn azamattar úshin atalǵan anyqtamalardy keıin usynýǵa múmkindik beretin fýnksııa iske qosylady. Qazirgi ýaqytta bilim alýshylar medısınalyq tekserýden ótkeni týraly anyqtamalarsyz shartty túrde bilim berý uıymdaryna qabyldanady.