Qazaqtyń Qalıjanyna qurmet

Arqaly aqyn Qalıjan Bekhojınniń 100 jyldyq mereıtoıy oblys kóleminde atap ótildi. Mereıtoılyq shara aqyn eskertkishiniń saltanatty ashylýynan bastaldy. Oǵan elimizge tanymal qalamgerler, aqynnyń týǵan-týystary, qala jurt­­shylyǵy qatysty.

Arqaly aqyn Qalıjan Bekhojınniń 100 jyldyq mereıtoıy oblys kóleminde atap ótildi. Mereıtoılyq shara aqyn eskertkishiniń saltanatty ashylýynan bastaldy. Oǵan elimizge tanymal qalamgerler, aqynnyń týǵan-týystary, qala jurt­­shylyǵy qatysty.

– Qalıjan Bekhojın lırık-aqyn, dramatýrg, ádebıet synshysy boldy. О́skeleń urpaq osyndaı dańqty adamdary jaıly bilýi qajet, – dedi óz sózinde oblys ákimi Erlan Aryn.

Aıtsa aıtqandaı, aqyn óleń­deri, poemalary – ádebıetimizdiń qazynasy. Bar ómirin shyǵarma­shylyqqa arnaǵan aıtýly aqyn «Aqsaq qulan», «Kek», «Dala ko­mısary» sııaq­ty poemalyq shy­ǵarmalar jazdy. Zaıyby Zaıda Bekhojına aǵalaryń qaıtalanbas óleń álemin jasaǵan aqyn edi ǵoı, qurmet kórsetken eldiń ǵumyry baıandy bolady, dep rızashylyq bildirdi.

Eskertkishtiń ashylý salta­natynda kórnekti qalamgerler Áb­dijámil Nurpeıisov, Tur­syn­bek Kákishuly, Ulyqbek Es­dáýlet, Ǵalym Jaılybaı, jýrnalıst Seıitqazy Mataev, t.b. qatysty.

– Qalıjan Bekhojın sııaqty dara tulǵanyń eńseli eskertkishi keıingi urpaqqa mura bolyp qalady, – dedi Ábdijámil Nurpeıisov.

Es­kertkish oblys ortaly­ǵyn­daǵy Sátbaev pen Lýnacharskıı kósheleriniń qıylysynda, 100 jyldyq tarıhy bar Aq meshitke taıaý jerde ornalasqan. Onyń avtory – Murat Mansurov. Oblys ortalyǵynda aqynnyń atynda kóshe jáne orta mektep bar.

Budan keıin Sultanmahmut Toraıǵyrov atyndaǵy ýnıversıtette Qalıjan Bekhojınniń ómir joly men ádebı murasynan tolyq málimet beretin arnaýly veb-saıttyń tusaýy kesildi. Qazaq ádebıetiniń qory taǵy da bir elektrondy kitaphanamen tolyqty. Bul veb-saıt «Bekhojınniń shyǵar­mashylyǵy jáne qazaq poezııasy» atty ǵylymı-praktıkalyq konferen­sııasy aıasynda júzege asty. Sóıtip, aqyn 20-dan as­tam poemasyn, 40-tan astam óleń jınaqtaryn búginge mura etti. Sondaı-aq, foto­muraǵat, beı­ne bólimin de tamashalap, qonaq paraqshasyna pikir-le­bi­zin tirkeı alady. Toraıǵyrov ýnıversıtetinde ótken «Qalıjan Bekhojınniń shyǵarmashylyǵy jáne qazirgi qazaq poezııasy» at­ty ǵylymı-praktıkalyq konferensııasynda halyq jazýshysy Ábdijámil Nurpeıisov, oblys ákimi Erlan Aryn, Prezıdent te­leradıokesheniniń bas dırektory Erlan Bekhojın, aqynnyń zaıyby Zaıra Bekhojına, jazýshy, fılologııa ǵylymdarynyń doktory Tursynbek Kákishuly, fılolo­gııa ǵylymdarynyń doktory Baýyr­jan Omarov rýhanı tanymdyq ta­qyrypta baıandamalar jasady. Konferensııa jumysyna Túrkııa men Ázerbaıjan elderinen kelgen qonaqtar, Qazaqstan Jazý­shylar odaǵynyń jergilikti jer­degi músheleri, aqyn-jazýshylar qatysty.

Aqynnyń mereıtoıyna ar­nalǵan alǵashqy kún Estaı atyn­­daǵy qalalyq mádenıet saraıynda ádebı-mýzykalyq keshpen aıaqtaldy. Onda aqynnyń ómiri jaıly beınefılm kórsetilip, shyǵarmalary oqyldy. Opera ánshisi Shahmardan Ábilov, Al­maty opera jáne balet teatrynyń so­lısi Esekeldi Ryza, Isa Baı­za­qov atyndaǵy oblystyq fılar­monııanyń ártisteri óner kórsetti. Mereıtoılyq sharalar barysy ekinshi kúni Baıanaýyl aýdanynda ulttyq sport túrlerinen jarystarmen jalǵasty.

Farıda BYQAI,

«Egemen Qazaqstan».

Pavlodar oblysy.