Qazaqstannyń Tuńǵysh Prezıdenti Túrkııa Respýblıkasynyń Prezıdenti Rejep Taııp Erdoǵanmen telefon arqyly sóılesti.
Áńgime barysynda Rejep Taııp Erdoǵan Elbasyn mereıtoıymen quttyqtap, zor densaýlyq jáne kópjosparly memlekettik qyzmette jańa jetistikter tiledi.
Túrkııa Prezıdenti qazirgi Qazaqstannyń damý tarıhy Tuńǵysh Prezıdent Nursultan Nazarbaevtyń esimimen tikeleı baılanysty ekenin aıtyp, onyń eki el arasyndaǵy qatynastardy qalyptastyrýdaǵy eleýli rólin atap ótti.
Elbasy Rejep Taııp Erdoǵanǵa dostyq tilekteri úshin alǵysyn bildirdi jáne Qazaqstan-Túrkııa strategııalyq seriktestiginiń qazirgi deńgeıine joǵary baǵa berdi.Telefon arqyly sóılesýge túrik tarapy bastamashy boldy.
* * *
Sooronbaı Jeenbekov Elbasyn 80 jyldyq mereıtoıymen quttyqtap, myqty densaýlyq, uzaq ǵumyr jáne kópqyrly memlekettik qyzmette jańa jetistikter tiledi.
Qyrǵyzstan Prezıdenti Qazaqstannyń sátti damýy jáne onyń halqynyń ál-aýqatynyń ósýi Nursultan Nazarbaevtyń esimimen baılanysty ekenin, al Elbasynyń tájirıbesi men bedeli óńirdegi ıntegrasııalyq úderisterdi damytýda mańyzdy ról atqaratynyn atap ótti.
Elbasy S.Jeenbekovke quttyqtaýy úshin alǵysyn bildirip, eki baýyrlas el arasyndaǵy tarıhı turǵydan qalyptasqan tatý kórshilik qatynastardyń odan ári nyǵaıa túsetinine senim bildirdi.
Telefon arqyly sóılesýge qyrǵyz tarapy bastamashy boldy.
* * *
Nursultan Nazarbaev Ázerbaıjan Respýblıkasynyń Prezıdenti Ilham Álıevpen telefon arqyly sóılesti.
Ázerbaıjan Prezıdenti Elbasyn 80 jasqa tolýymen quttyqtap, myqty densaýlyq, baq-bereke jáne baýyrlas Qazaqstan halqynyń ıgiligi jolyndaǵy jasampaz isterine tabys tiledi.
Ilham Álıev Nursultan Nazarbaevtyń Ázerbaıjannyń naǵyz dosy ekenin aıtyp, Qazaqstan-Ázerbaıjan qatynastarynyń negizin qalaýǵa, sondaı-aq túrkitildes elder arasyndaǵy yntymaqtastyqty nyǵaıtýǵa zor úles qosqanyn atap ótti.
Elbasy Ázerbaıjan kóshbasshysyna júrekjardy quttyqtaýy úshin alǵysyn bildirip, ǵasyrlar boıy eki eldi biriktirip kele jatqan dostyq pen tatý kórshilik dástúrlerdi nyǵaıtýdy qoldaıtynyn aıtty.
Telefon arqyly sóılesýge Ázerbaıjan tarapy bastamashy boldy.
* * *
Elbasy Nursultan Nazarbaev Tájikstan Respýblıkasynyń Prezıdenti Emomalı Rahmonmen telefon arqyly sóılesti.
Tájikstan Prezıdenti Elbasyn 80 jasqa tolýymen quttyqtap, zor densaýlyq, baqyt jáne kópqyrly memlekettik qyzmette tabys tiledi.
Emomalı Rahmon Qazaqstannyń Tuńǵysh Prezıdenti baýyrlas Qazaqstan halqynyń jáne jalpy óńirdiń ıgiligi úshin óziniń jasampaz qyzmetin jalǵastyratynyna senim bildirdi.
Nursultan Nazarbaev Tájikstan kóshbasshysyna dostyq tilekteri úshin alǵysyn bildirip, ártúrli saladaǵy Qazaqstan men Tájikstan yntymaqtastyǵyn odan ári ilgeriletýdiń mańyzdylyǵyn atap ótti.
Telefon arqyly sóılesýge Tájikstan tarapy bastamashy boldy.
* * *
Nursultan Nazarbaev Belarýs Respýblıkasynyń Prezıdenti Aleksandr Lýkashenkomen telefon arqyly sóılesti.
Áńgimelesý barysynda Belarýs Prezıdenti Elbasyn 80 jyldyq mereıtoıymen quttyqtap, zor densaýlyq, baq-bereke jáne Qazaqstan tarıhyndaǵy jańa mindetterdi sátti iske asyrýdy tiledi.
Aleksandr Lýkashenko Elbasynyń basshylyǵymen Qazaqstan halqy óz damýynda tolaǵaı tabysqa qol jetkizgen memleket quryp, úlken joldy júrip ótkenin atap ótti. Sondaı-aq Belarýs Prezıdenti Nursultan Nazarbaevtyń Qazaqstan-Belarýs qatynastarymen birge, eýrazııalyq keńistiktegi ıntegrasııalyq úderisterdi qalyptastyrý men ilgeriletýdegi mańyzdy rólin atap ótti.
Elbasy Belarýs kóshbasshysyna quttyqtaýy úshin alǵysyn bildirip, eki el arasyndaǵy kóptarapty yntymaqtastyqty odan ári keńeıtý týraly aıtty.
Telefon arqyly sóılesýge Belarýs jaǵy bastamashy boldy.
* * *
Elbasy Reseı Federasııasy Qaýipsizdik Keńesi tóraǵasynyń orynbasary Dmıtrıı Medvedevpen telefon arqyly sóılesti.
Dmıtrıı Medvedev Elbasyn mereıtoıymen quttyqtap, zor densaýlyq, qajymas qaırat jáne Qazaqstandy damytý boıynsha josparlaryn odan ári júzege asyra berýin tiledi.
Reseı Qaýipsizdik Keńesi tóraǵasynyń orynbasary Nursultan Nazarbaevtyń Elbasy mártebesi Qazaqstan men Reseı arasyndaǵy kópjaqty yqpaldastyqty jáne ıntegrasııalyq baǵyttaǵy sabaqtastyqty qamtamasyz etýge zor úles qosýǵa múmkindik beretinin atap ótti.
Elbasy Dmıtrıı Medvedevke jyly lebizderi úshin alǵysyn bildirdi jáne birlesken jumysty, onyń ishinde eki eldiń Qaýipsizdik keńesteri men bıleýshi partııalary – Nur Otan men «Edınaıa Rossııa» arqyly jalǵastyrýdyń mańyzdylyǵyn atap ótti.
Telefon arqyly sóılesýge Reseı tarapy bastamashy boldy.