QR Premer-mınıstri Asqar Mamınniń RF Úkimetiniń tóraǵasy Mıhaıl Mıshýstınmen COVID-19-ǵa qarsy is-qımyl boıynsha birlesken ýaǵdalastyqtardyń jalǵasynda 8 shildede Nur-Sultanǵa Reseı Federasııasy TJM arnaıy bortymen Qazaqstan tarapy úshin gýmanıtarlyq júk jetkizildi. Bul týraly SIM baspasóz qyzmeti habarlady, - dep jazady Egemen.kz
RF gýmanıtarlyq kómegine medısınalyq maska, qorǵanystyq kıim jıyntyqtary men medısınalyq preparattar kiredi. Qazaqstandaǵy gýmanıtarlyq kómektiń biryńǵaı operatory «SQ-Farmasııa» JShS bolyp tabylady. Jaqyn arada Reseıden gýmanıtarlyq júkpen birneshe reıster kútilýde.
Qazaqstan Syrtqy ister mınıstrligi koronavırýs pandemııasymen kúreste kórsetken qoldaýy úshin Reseı Úkimeti men baýyrlas halqyna alǵysyn bildiredi.